Si të realizosh një sit ueb për klinikën. Këto janë gjërat që duhet të shmangni patjetër

Realizimi i një siti ueb për klinikën dentare duhet të lindë nga një fazë projektuese që shikon bashkëpunimin e dentistit me agjencinë e ueb-it e ngarkuar me qëllimin për të përftuar një rezultat efikas.
Është thelbësore për profesionistin që të zgjedhë furnitorin e duhur.

Për të shmangur "hapjen e gropës" me duart tona nevojitet që të mos bëjmë këto 10 gabime tipike:

1. Të mendosh për sitin ueb si një broshurë publicitare: Sitet ueb profesionale janë dinamike, duhet të modifikohen në përmbajtje nga ekipi dentar, falë softuer-eve të quajtur CMS (Content Management System), që i mundësojnë atij që nuk zotëron kompetenca programimi që të fusë, modifikojë tekstet që lidhen me informacione të dobishme për klientët potencialë të organizuar në një hapësirë të quajtur news ose blog. CMS më i përhapur është performuesi WordPress

2. Të mendosh për sitin si për mobiliet e sallës së pritjes: Objektivi i sitit ueb nuk është që të jetë në gustot e tua, por që të jetë efikas për kryer qëllimin e tij, pra të rrisë numrin e telefonatave për vizitat e para. Një furnitor ekspert do të dijë të bëjë gjërat më së miri dhe kur të jesh duke i dhënë një këshillë mendo për ato pacientë që duan të të shpjegojnë si të vendosësh dhëmbët në protezën totale. Një sit i realizuar sipas shijes vetjake dhe jo mbi bazën e asaj që i pëlqen përdoruesve do të rezultojë me shumë mundësi jo efikas. Lër që të jetë një ueb dizajner ekspert që ka parë dhe ka bërë tashmë site të tjera që të vendosë atë që duhet bërë.

3. Të kopjosh sitin e zinxhirit dentar: Të analizosh tregun duke u përpjekur që të kuptosh strategjitë e konkurrencës është e nevojshme që më mirë të shmangim që t'i kërkojmë agjencisë së ueb-it që të realizojë një sit të njëjtë me konkurrentin. Të kufizosh në mënyrë skllavëruese nuk është kurrë një mënyrë e mirë për t'u shquar dhe sigurisht nuk do të dallohesh nga konkurrenca nëse nuk bën gjë tjetër veçse të kopjosh lëvizjet e saj.

4. Të lësh pas dore aspektet SEO (Search Engine Optimization): Të mos marrësh të mirëqenë që një agjenci e specializuar për sitet ueb të dijë në mënyrë perfektë se si të realizojë një sit të optimizuar për motorët e kërkimit (në zhargonin teknik: SEO friendly). Nuk mjafton të realizosh një sit dhe ta hedhën në rrjet për të qenë automatikisht i gjindshëm nga pacientët e rinj potencialë.
Kur zgjedh një agjenci ose një person që të krijojë sitin, sigurohu që të paktën të ketë një ide se çfarë është SEO (strukturë piramidale e sitit, tituj dhe nëntituj, link të jashtëm dhe të brendshëm me sitin, emërtim fotosh, URL ose adresë uebi që risjell emrin e klinikës etj.)

5. Të injorosh cilën CSM do të përdorin për të krijuar sitin tënd: Kur i përshkruan porcelan në grupin frontal teknikut laborant sigurisht nuk harron t'i specifikosh që nënkupton të ketë disilikat ose një leucit ose një zirkon monobllok.
Kur kërkon një sit ueb agjencisë së ueb-it do t'i kërkosh që CSM me të cilën do të zhvillohet të jetë WordPress për 3 arsye:
• është SEO-friendly
• është i thjeshtë për t'u përdorur (lejon modifikimin e faqeve të sitit për ta azhornuar)
• është një platformë open source, pra është falas dhe nëse rastësisht nuk gjendesh mirë me agjencinë tënde të ueb-it mund ta ndryshosh pa humbur sitin tënd, do të mjaftojë të gjesh një tjetër që të dijë të zhvillojë me WordPress.

6. T'i besosh kushëririt të asistentes: Nëse një laborator odontoteknik të propozon një kurorë me çmime të përgjysmuara në krahasim me mesataren e tregut: një problem cilësie duhet të ekzistojë patjetër!
Siti ueb është një instrument pune, jo një lojë, pra duhet të kryhet nga profesionistë. Kujdes pra ndaj kushëririt të asistentes tuaj që bën manovra në kompjuter dhe që propozohen për të realizuar sitin ueb në këmbim të një zbardhimi dhëmbësh. Në sitin ueb sot ekzistojnë zgjidhje falas, që në duart e manovruesit lejojnë krijimin e siteve të gatshëm dhe të këndshëm në anën SEO, përgjithësisht këto site paraqesin boshllëqe të mëdha dhe e bëjnë të vështirë ose në disa raste dhe të pamundur përftimin e një pozicionimi të mirë në motorët e kërkimit.

7. Overtreatment: Nuk mbaj mend cili kirurg ka shkruar se ajo qe nuk nevojitet është e padobishme, por është një rregull jete për t'u frymëzuar dhe për të realizuar një sit ueb.
Një sit i thjeshtë por plot përmbajtje cilësore është shumë më efikas se një sit si broshurë publicitare statike, i krijuar nga agjencia më e famshme në botë. Nëse kërkon shumë gjëra për të cilat nuk ke nevojë reale, kjo bën të mundur rritjen e orëve totale të projektit. Instrumente të realizuara posaçërisht si një integrim me menaxherin tuaj, aplikacioni i klinikës më në modë sot mund të kërkojë shumë orë programimi dhe rrit kostot pa dhënë efekte përfituese.

8. Perfeksionizmi: Modelo kuspidin e një molari në kompozit, të duket i përkryer, ky është momenti për t'u ndalur! Nëse shkon në kërkim të perfeksionit dhe i jep akoma një prekje me spatul mund të ndodhe që të prishësh rezultatin e mirë të arritur pak çaste më parë dhe do të të duhet të rifillosh nga e para.
Në sitin ueb një nga shkaqet e shpërdorimit të parasë dhe kohës së realizimit është fiksimi i tepërt për aspektet që lidhen me grafikën apo me efektet speciale.
Pjesa më e madhe e pacientëve potencialë do të jenë të interesuar për përmbajtjet e sitit tënd (blog) dhe me vlerën që mund t'i ofrosh. Hidhini një sy thjeshtësisë së home page (faqes kryesore) të Google, siti më i vizituar në botë.

9. Të delegosh shumë: përballë një plani trajtimi kompleks edhe nëse delegojmë endodoncinë e një molari jemi ne që menaxhojmë vetë zhvillimin e të gjithë ciklit të kurimit. Raporti empatik me pacientin nuk është i delegueshëm. Mund ta ushqejmë thjeshtë duke i prekur dorën për një çast gjatë seancës së endodoncisë që zhvillon bashkëpunëtori ynë.
Kur si konsumatorë punojmë me agjencinë ueb, nuk mund të largohemi nga roli ynë i autorit të vetë sitit ueb. Është sikur të shkruanim një libër në të cilin ne mundësojmë tekstet e shkruara të faqeve të ndryshme ueb. Agjencia është editori dhe redaktori që vendos kopertinën (home page), llojin dhe përmasat e karakterit, hapësirat, do të zhvillojmë megjithatë funksionin e korrektuesit dhe të verifikuesit të tekstit dhe distributorit (aktiviteti i SEO). Por tekstet i shkruajmë ne, pasi jemi të vetmit që njohim çdo aspekt klinik dhe organizativ të profesionit tonë.

10. Të kesh një sit jo të optimizuar për celularin: Sot lundrimi nga pajisje të lëvizshme, telefona smart dhe tablet, ka kaluar me kohë atë të desktop-it. Gjithmonë e më shumë përdorues do të shohin sitin tënd me një pajisje të lëvizshme. Për të mos humbur pacientë realizo një sit që të adaptohet grafikisht me pajisjen me të cilën hapet (sit responsive).

Nën kujdeisn e Davis Cussotto dhe Jacopo Matteuzzi autor i librit Digital marketing për stomatologë