Social Media Manager. Një bashkëpunues që duhet kërkuar brenda klinikës

Siti ueb i klinikës dentare, me qëllim që të bëhet një instrument komunikimi efikas që të tërheqë pacientë potencialë, duhet ushqyer me përmbajtje të re dhe origjinale (blog) që do të ndahet më pas në social network (rrjete sociale, facebook), duke respektuar një kalendar të fiksuar më parë (plan editorial).
Këto veprime në ueb nuk mund të zhvillohen nga dentisti titullar i klinikës që si çdo menaxher i mirë di që për të arritur një qëllim nevojiten instrumentet, kompetencat dhe personat "e duhur".
Në bagazhin e tij të njohurive, përveç se duhet të dijë se si funksionon një matës i apeksit, gjithashtu një DUVRI dhe një laser melting, duhet edhe të ketë një ide se si funksionon një motor kërkimi.
Për të arritur objektivat e vendosur personi që merret me koordinimin e specialistëve duhet të di "asgjë nga gjithçka" në vend të "gjithçka nga asgjë. Edhe nëse ia beson të tretëve menaxhimin e sitit të klinikës, të blogut apo të faqes Facebook, duhet të identifikojmë një figurë profesionale të re në brendësi të klinikës, së cilës duhet t'i delegojmë disa detyra dhe që do ta quajmë referuesi i komunikimit apo Social Media Manager (SMM).
Referues i komunikimit është një term që më pëlqen shumë, mësuar nga Franco Tosco i Lessicom, ekspert i vërtetë në fushë, i larguar nga jeta para pak kohësh.

Bëhet fjalë për identifikimin e një figure në klinikë që të ketë të paktën 4 nga këto 7 karakteristika:
• kreativitet
• njohuri të mira informatike
• lindur pas vitit 1985
• zotërim të mirë të gjuhës angleze
• thjeshtësi komunikimi edhe me të shkruar
• i apasionuar pas teknologjive të reja
• dashurues i leximit
Mund të jetë një asistente/sekretare e klinikës ose një i ri bashkëpunëtor, higjienist, stomatolog, teknik dentar apo një familjar që bashkëpunon në kompani.
Si çdo figurë profesionale e klinikës e rëndësishme është që të jetë kompetent; personalisht mendoj se kultura nuk bën kurrë keq dhe kur investon në formim ke gjithmonë një rikthim të madh ekonomik edhe pse nuk është i matshëm menjëherë.

Formimi teknik i referuesit të komunikimit mund të fillojë nga leximi i blogut të sektorit dhe mund të vazhdojë më pas me rrjedhë ad hoc. T'i dedikosh pak më shumë kohë për t'u azhornuar së bashku, disa herë në vit bën që të rritet motivimi.
Kur e konsideron më të përshtatshme mund ta shënosh në fushën e titullit të Social Media Manager. Nuk është një nivel hierarkik superior për referuesin e komunikimit por t'i japësh emrin e duhur gjërave dhe roleve kualifikon dhe krijon vlerë.
SMM do të ketë profilin e tij në linkedin të shkruar mirë që do të tregojë aktivitetin e SMM pranë klinikës dentare dr. EMRIYT. Në lidhje me këtë, a e ke futur tashmë Klinika Dentare EMRITY në profilet e kompanive në linkedin?

Davis Cussotto autor i librit: Digital marketing per odontoiatri edicionet EDRA

Përktheu: Erjola Taga