Farmakovigjilenca. Formular i ri për stomatologët për raportimin e efekteve anësore

Agjencia Kombëtare e Barnave dhe Pajisjeve Mjekësore ka hartuar një formular të ri për raportimin e efekteve anësore që mund të jenë konstatuar te pacienti. Ky formular është hartuar sipas një formati që aplikohet në të gjitha vendet e Bashkimit Europian duke u sinkronizuar me standardin ndërkombëtar. Ky format është i rekomanduar nga UMC. Risia e këtij formulari është se e bën të detyrueshëm të plotësohet nga stomatologu pasi që në krye të tij citohet ligji. Por, nga ana tjetër formulari i ri është menduar të jetë më i thjeshtë për t'u plotësuar nga profesionistët e shëndetësisë: si i tillë është më i shkurtër dhe drejtohen vetëm pyetjet që na japin informacionin që kërkojmë.

- është ndryshuar struktura pasi duhet t'i përputhet formatit ICH E2B i cili është standardi ndërkombëtar dhe sugjerohet të përdoret edhe për arsye se lehtëson marrjen dhe dhënien e informacionit mes shteteve anëtare të programit;
-deklarata e konfidencialitetit;
-citimi i ligjit dhe përfshirja e emrit tek AKBPM dhe MSH te koka e formularit;
- të kontaktuar nga Dentist33.al përfaqësues të AKBPM-së, specialistë të farmakovigjilencës deklarojnë se përmbajtja është pak a shumë e njëjtë me të parin. Por, ndonëse më parë stomatologët duhej të shkruanin vetë çfarë konstatonin, tani e kanë gati, vetëm duhet ta plotësojnë. Nga ky ndryshim pritet të ketë më shumë raportime.

Klikoni këtu për të parë formularin.

Alma Demiraj