Gjashtë shkaqe të stresit për pacientin që mund të ndikojnë në shëndetin oral. Ja si t'i zbulojmë dhe t'i trajtojmë

Si profesionistë të shëndetit angazhohemi çdo ditë për të lehtësuar stresin e pacientëve tanë. Në klinikat tona muret i lyejmë me ngjyra të buta, vendosim muzikë të qetë në ambient dhe dekorojmë sallat e pritjes me fotografi relaksuese pa harruar hapësirën për të luajtur fëmijët.
Por duhet të dimë të njohim, - shprehet Leslie Townsend DDS i Dallas (Texas) në faqet e një siti amerikan në këtë fushë, - shenjat e stresit afatgjatë të pacientit, për shkak se janë të shumta pasojat në shëndetin oral.

Gjashtë simptomat e stresit afatgjatë që vihen re më shpesh sipas Townsend janë:

1) Bruksizmi që në 80% të rasteve është i pavetëdijshëm dhe gjatë natës. Lidhet me sindromat nga apneat obstruktive të gjumit dhe është i lidhur me stresin e tepërt
2) Onycofagia (ngrënia e thonjve) lidhet me çrregullimet temporo-mandibulare dhe shpesh janë të pranishme lezione të smaltit tek incizivët
3) Tepria e sheqernave të thjeshtë në ushqyerje që favorizojnë krijimin e disa llojeve të kariesit përveç patologjive sistemike (diabet, obezitet)
4) Përdorimi i tepërt i alkooleve që gjeneron kserostomi, gojë të thatë
5) Afte që lidhen shpesh me stresin, siç tregon një studim i kryer te studentët para provimit
6) Theksimi i shenjave të sëmundjes periodontale, shkaktuar nga inhibimi i sistemit imunitar nga ana e stresit

Prania e këtyre simptomave që lidhen se bashku, beson Townsend, duhet të bëjë që të dyshojmë për veprimin e stresit dhe këto pacientë kanë nevojë që të trajtohen me ndërhyrjet e duhura:
• Për bruksizmin kafshimi natën ose terapia ortodontike mund të zgjidhen
• Për aftet këshillohet që të shmangim ushqimet acide dhe të përdorim kolutor me bazë aloe vera
• Për ata që hanë thonjtë ekzistojnë manikyre parandaluese për thonjtë me shije jo të këndshme
• Për ata që tejkalojnë konsumin e sheqernave dhe pijeve alkoolike duhet t'i këshilloni që të pinë shumë ujë dhe të kontrollojnë dietën
• Për ata që vuajnë nga sëmundja periodontale terapia më e mirë është higjiena e mirë orale dhe një kontroll rigoroz i pllakës bakteriale
Dentisti mund të jetë ndihmësi i parë shëndetësor që gjurmon këto patologji, pra mundet që të udhëheqë pacientin drejt specialistit për këtë rast duke kujtuar se sipas American Psychological Association, stresi është i lidhur me 6 prej shkaqeve kryesore të vdekjes: sëmundje kardiake, kancer, sëmundje pulmonare, aksidente, cirrozë dhe vetëvrasje.

Nën kujdesin e: Davis Cussotto, stomatolog Twitter @DavisCussotto

Përktheu: Erjola Taga