Diastema është cool. Për ekspertët nëse nuk ka probleme të malokluzionit më mirë të mos ndërhyhet

Ne dentistët dimë se diastema është një malokluzion, prevalenca e të cilit ulet me kalimit e viteve. Piku është në 6 vjeç (98% e fëmijëve) zbret në 49% në 11 vjeç dhe stabilizohet midis 12 dhe 18 vjeç rreth 7%.
Terapia është stomatologjike dhe/ose restorative.

Pacientët e trajtojnë diastemën për çrregullimet në të folur dhe për problemet që mund t'i shkaktojë dhëmbëve ngjitur, por ka një opinion të përhapur se diastema duhet kuruar për motive estetike dhe psikologjike në vend të çrregullimeve funksionale. Për ta mbështetur është S. Anari në Britisch Dental Journal.
"Përshkrimi estetik i fytyrës varion nga personi në person - afirmon gazetari - dhe influencohet nga eksperiencat e veta, nga kultura dhe nga presioni social".

Në mënyrë tradicionale, shpjegon eksperti, diastema perceptohet negativisht. Adoleshentët me ndërveprimet e para sociale marrin njohuri për këtë prototip (arketip) dhe cilësia e jetës së tyre është shumë e influencuar nga estetika e buzëqeshjes.
Shumë studime kanë dëshmuar se korrigjimi i diastemës përmirëson vetëvlerësimin dhe kapacitetin për socializim në 50% të adoleshentëve të trajtuar.

Industria e modës krijon standarde të bukurisë që më pas asimilohen nga shoqëria.
Kate Moss në vitet 90' ka revolucionarizuar standardet e bukurisë të super top modeleve të Naomi Campbell dhe Eva Evangilista duke bërë që të lindi kështu modeli heroin chic më i dobët për të dy gjinitë.
Të lindura në vitet 90' Lara Stone, Georgia May Jagger janë modele shumë të suksesshme me diastemë. Nëse industria e modës që krijon avantgardën, transmeton një imazh që e shfaq diastemën si një standard bukurie unik dhe të dëshirueshëm dhe rrjedhimisht perceptimi ynë për malokluzionin ndryshon. Falë tyre shumë të rinj e konsiderojnë sot diastemën cool dhe jo më një defekt.

"Profesionistët e shëndetit, - përfundon Anari, - duhet të vendosin në dukje sot edhe avantazhet e mundshme për mos trajtimin e diastemës, duke çuar në shembuj nga sektori i modës. Të ndihmosh që të shikosh një deformim të presupozuar si normë, ndihmon në mposhtjen e problemeve psikologjike dhe sociale".

Cussotto Davis

Përktheu: Erjola Taga