Office Manager. Profesioni i ri për të ardhmen e klinikës dentare që i lejon dentistit që të bëjë dentistin

Tregu stomatologjik sot vlen 10 miliard euro dhe paraqet një skenar shumë dinamik, gjithmonë e më konkurrues.
Futja e teknologjive dixhitale, pacientë gjithmonë e më të kujdesshëm për cilësinë stomatologjike, konsolidimi i konkurrentëve të organizuar janë vetëm disa nga faktorët që bëjnë të nevojshme një qasje strategjike të profesionistëve që operojnë në sektorin dentar.
Studio dentare tradicionale është sot edhe një biznes, nuk mund të bëjë pa analizat strategjike tipike të botës së biznesit, analiza që duhet të marrin në konsideratë mundësinë e kërcënimeve kontekstuale përveç vlerësimit - mbi bazën e KPI adekuate (Key Performance Indicator) - pikët e forcës së tyre dhe dobësitë dhe përcaktimin e strategjive pasuese.

Përse një menaxher zyre në klinikën dentare?
Identifikimi i objektivave dhe strategjive, menaxhimi efikas i proceseve të pacientëve dhe i bashkëpunëtorëve dhe përdorimi i teknikave moderne të menaxhimit të kompanisë bëhen elementet thelbësore për suksesin e klinikës dhe të profesionistit. Por këtyre - sipas kërkimeve të fundit Key-Stone - pacienti kërkon padyshim që të fokusohet mbi aspektet klinike të vetë profesionit dhe të komunikimit ndërpersonal. Përveç këtyre faktorëve thelbësor, përgjithësisht titullari i klinikës dentare duhet të zotërojë sidoqoftë një bagazh informativ bazë për sa i përket menaxhimit të klinikës, marketingut dhe kontrollit të menaxhimit. Por nuk mund të mendohet që t'i dedikohet këtyre aktiviteteve në botën profesionale pasi këto kanë nevojë për kompetenca specifike dhe burime me kohë të plotë.

Është për këtë që në Shtetet e Bashkuara dhe së shpejti dhe në Itali është përhapur gjerësisht një figurë e re profesionale me specializim të lartë: Office Manager i klinikës dentare.
Dental Office Manager është përgjegjësi, të cilit dentisti i delegon aspektet e menaxhimit të mirëfilltë, është ekzekutuesi material i vendimeve strategjike të dentistit-sipërmarrësit falë njohurive të thelluara të biznesit dhe të sektorit dentar.
Office Manager merret me marketingun për mbajtjen dhe përftimin e pacientëve të rinj, për zhvillimin tregtar dhe planifikimin dhe kontrollin e klinikës në tërësinë e saj: nga menaxhimi dhe analiza e kostove dhe performancës së profesionistëve të veçantë në kontrollin e rezultateve, duke kaluar nga organizimi dhe strategjia e ekipit të punës, e axhendës dhe e buxhetit të parashikuar. Dhe jo vetëm, është një "managing director" i mirëfilltë i qendrës stomatologjike.

Bëhet fjalë për aktivitete që pjesërisht janë aktualisht të besuar te ajo figurë qendrore dhe e pazëvendësueshme që është "sekretaria", kontributi i së cilës është thelbësor dhe mbi të gjitha kur kultivon me personelin dhe pacientët marrëdhënie afatgjata. Por jo gjithmonë një figurë e tillë, përveç një trajnimi specifik dhe një suporti ndaj aktiviteteve klasike të sekretarisë, mund t'i bëjë ballë këtyre detyrave të reja për të cilat është e domosdoshme midis të tjerash një farë familjariteti me instrumentet informatike bazë dhe mundësisht një rrugëtim akademik në fushën ekonomike, menaxheriale ose ligjore.

Nën kujdesin e: Roberto Rosso www.YouDentist.info Strategjitë e biznesit për klinikën dentare

Përktheu: Erjola Taga