Si të shmangim përfundimin "në pragun e një krize nervore". Nëntë këshilla nga SHBA

Kapaciteti për të menaxhuar stresin lidhet me numrin e instrumenteve që kemi për t'u përballur, instrumente që rezultojnë shumë efikase kur agjentët e stresit apo triggers (nxitësit) reagojnë një e nga një dhe perceptohen nga ne si një e keqe e vogël.
Kjo është ajo që mbështet Jen Butler, psikologe amerikane, në një artikull të publikuar në një sit të njohur amerikan të këtij sektori.
Instrumente shumë efikase janë frymëmarrja e thellë ose relaksimi i detyruar por që nuk janë të mjaftueshme në situata komplekse si p.sh rutina normale në një klinikë dentare, ku streset dhe vendimet që duhet të merren në njësinë e kohës janë shumë.

Kur gjendemi përballë pengesave pavarësisht se zgjidhen me vështirësi, mendja jonë i nënshtrohet një sforcoje të paparashikuar dhe impenjative që gjeneron tension dhe shkakton reagime me efekte neurologjike, hormonale dhe imunologjike që nëse vazhdojnë në kohë mund të shkaktojnë patologji të ashtuquajtura nga stresi, i pari mbi të gjitha hipertensioni dhe komplikimet e tij të rënda.
"Sindroma burnout" është gjithmonë si një pritë!

Ja 9 këshillat praktike të J. Butler që të përpiqemi të kontrollojmë stresin që në fillimet e tij:
1) Mëso që të njohësh shenjat e stresit (mungesa e përqendrimit, dhimbja e kokës, reagime fizike, tepri ose humbje e oreksit...).
2) Mëso që të njohësh situatat që nxisin stresin.
3) Praktiko teknikat e shplodhjes (meditim, mindfullnes, yoga).
4) Nisim nga presupozimi se ngjarjet dhe personat e tjerë që na rrethojnë nuk shkaktojnë sjellje apo specifika emocionale te ne: jemi gjithmonë ne ata që ndërveprojmë me ambientin duke nxitur ose jo disa mekanizma stresues. Është e dobishme që të kontrollojmë dhe zotërojmë reagimin ndaj ngjarjeve të jashtme.
5) Praktiko "thjeshtësinë vullnetare", kufizo aktivitetin të cilit i dedikohesh kryesisht që të mos kesh ndjesinë se po mbingarkohesh me punë.
6) Përqendrohu te problemet një e nga një dhe vendos objektiva sfiduese, por të kapshme, që të mos zhgënjehesh.
7) Aktivitet fizik, pushim dhe ushqim i shëndetshëm, shmang alkoolin, drogat dhe barnat që duken si qetësues.
8) Merr në konsideratë se "gjithçka dhe menjëherë" nuk funksionon. Këmbëngulja për atë që dëshiron pavarësisht vështirësive është një kundërhelm shumë i mirë për stresin.
9) Çlirohu nga mendimi konstant tek ajo që të bën të ndihesh keq për pak sekonda në ditë me teknikat e meditimit dhe shplodhjes, fillimisht për pak minuta dhe më pas duke vazhduar dhe duke i shtuar ato. Pas pak çlirimi do të zgjasë gjatë gjithë ditës.

Më pas nëse e gjithë kjo nuk mjafton, për situata më kritike kërkoni ndihmë te një profesionist i fushës i cili mund të jetë i dobishëm.

Nën kujdesin e: Davis Cussotto, stomatolog, Twitter @DavisCussoto

Përktheu: Erjola Taga