Diabeti, edhe stomatologët thërriten për të bërë pjesën e tyre. Sipas Sodano (AIO), dentisti është i pari që mund të ndalojë sëmundjen: këto janë detyrat

Nga sëmundjet metabolike jo të transmetueshme diabeti përfaqëson atë me shkallë të lartë vdekshmërie për komplikimet që sjell dhe në shumë raste sëmundja shpesh është e fshehur dhe madje e padiagnostikuar.
Ndër faktorët e riskut është dhe shëndeti jo i mirë oral duke parë lidhjen midis sëmundjes periodontale dhe diabetit.
"Stomatologu duhet të bëjë një rrjet në interes të pacientit, duke e adresuar në mënyrën e duhur, t'i ofrojë edukim shëndetësor dhe të ndajë të dhënat në një kartelë klinike online dhe me mjekun e familjes" shpjegon për Odontoiatria33 Angelo Raffaele Sodano referues AIO për Projektin e promovimit të shëndetit oral. "Këto janë rregullat që përmban udhëzimi i Federatave Diabetologjike europiane dhe internacionale për të trajtuar në kohë diabetikët e rinj apo për të shmangur një kompromentim përfundimtar të elementeve dentare por tani duhet t'i japim një pamje të re dhe praktike për deklarimin e qëllimeve".
Për të sensibilizuar qytetarët mbi parandalimin më 14 nëntor festohet Dita Botërore e Diabetit por janë shumë iniciativat e organizuara për të sensibilizuar pacientët drejt kësaj sëmundje dhe në funksion të parandalimit të shëndetit oral.

Për të bërë këtë AIO ka organizuar me rastin e Ditës së Diabetit evente sensibilizimi si ai i mbajtur në Napoli më 11 dhe 12 Nëntor në bashkëpunim me Shoqatën Mjekë Diabetologë. "Përveç një punE sensibilizuese, vazhdon Sodano, "po punojmë me AMD për të krijuar një platformë informatike që të lidhë të gjithë profesionistët që kujdesen për pacientin diabetik në mënyrë që të ndajë patologjitë dhe kurat".

Rrjeti i profesionistëve të përfshirë
Lufta ndaj diabetit duhet të kalojë nga një përfshirje më e madhe e profesionistëve të shëndetit që duan të punojnë bashkë dhe jo me grupe të ndara, kujton Sodano.
Stomatologjia dhe diabetologjia bashkëpunojnë dhe identifikojnë pacientë të prekur nga periodontologjia dhe diabeti duke vënë në zbatim strategji terapeutike të përshtatshme. Mjeku i mjekësisë së përgjithshme kryen skrinime të patologjive dhe bashkëpunon në follow up, farmacisti ofron suportin e tij operativ nga diagnoza deri në suportin e tij, infermieri kryen anamnezën dhe sensibilizimin, higjienisti dentar kryen heqjen e gurëzave dhe përforcon mesazhet që i drejtohen promovimin të shëndetit oral.

Roli qendror i stomatologut

Stomatologu eksplorues ka detyrën që të identifikojë pacientin diabetik, ta sensibilizojë dhe parandalojë, në individë me risk apo të sëmurë, risqet e mundshme që vijnë nga shëndeti i keq oral, në veçanti kundrejt periodontitit. Diabeti dhe periodontiti janë patologji të lidhura shumë ngushtë aq sa mund të afirmojnë se diabetiku ka tendencën që të zhvillojë periodontit aq sa personi me periodontit që të zhvillojë diabet.
Stomatologu dhe diabetologu duhet të rriten dhe të formohen mbi baza të përbashkëta duke rritur mundësinë e takimit. Nevojitet një formim i përbashkët "në dy trajtime" që të ndajë objektivat, mjetet dhe pritshmëritë e terapive në zbatim", afirmon Sodano.

Rolet
Ndër detyrat e stomatologut drejt pacientit diabetik me synim përmirësimin e cilësisë dhe të pritshmërive të jetës janë ruajtja e kapacitetit mastikator për një ushqyerje më të mirë, kontroll më të mirë të faktorëve të inflamacionit gingival/periodontal (më pak terapi farmakologjie, më pak rritje të faktorëve përcaktues të dekompensimit glicemik).

Stomatologu duhet të adresojë diabetologun që të kryejë një skrinim diabetologjik për pacientë të cilët ndaj një sëmundje periodontale nuk i korrespondojnë kushteve të familjaritetit, në prani të një sasie të vogël të faktorëve nxitës (tartar, higjienë e dobët) të shoqëruara nga një humbje në peshë, polyuria, polydipsia.
Diabetologu përballë një pacienti duhet të mbledhë të dhëna për anamnezën që lidhet me shëndetin e tij oral me referim të veçantë ndaj humbjes së elementeve dentare, gjakrrjedhjes gingivale, halitosis.
"Thelbësor është dialogu midis diabetologut dhe stomatologut duke favorizuar një fluks informacionesh në dy drejtime", thotë Sodano duke nënvizuar se si një platformë informatike e zakonshme mund të jetë përcaktuese për të favorizuar këtë.

Norberto Maccagno