Postura ideale për stomatologun dhe ndërhyrjet e përkryera falë mikroskopit operator. Ja se si e mendojnë tre profesionistë të nderuar

Përdorimi i mikroskopit operator deri pak kohë më parë rezervuar për ndërhyrje të mikrokirurgjisë në sallat operatore po fillon të behet një realitet gjithmonë e më i përhapur.
Cilat janë avantazhet që ky instrument sjell jo vetëm në ekzekutimin e ndërhyrjeve po edhe në shëndetin e vetë stomatologut?
Dental Cadmos ka pyetur Alberto Pispero (stomatolog docent në kurse të patologjisë dhe kirurgjisë orale), Carlo Ghezzi (stomatolog periodontist referues ndërkombëtar) dhe Domenico Massironi (një nga autorët e nderuar për fushën e protezave dhe restaurimeve estetike).

Doktor Pispero (në foto), cilat janë avantazhet e instrumenteve zmadhuese?
Hapësira e punës së një stomatologu është shumë e ngushtë dhe është e nevojshme që të kemi një pamje dhe një ndriçim optimal. Nëse kemi mundësinë për të zmadhuar duke rritur kështu potencialin viziv dhe në të njëjtën kohë të rrisim sasinë e dritës në vendin e operimit është e mundur që të operojmë në mënyrë shumë precize, duke rritur potencialin proprioceptiv të profesionistit dhe duke i lejuar që të kryejë lëvizje shumë fine. Kjo përfshin të gjitha fushat e stomatologjisë duke filluar nga manovrat e higjienës profesionale deri sa arrin në procedurat më invazive. Përdorimi i sistemeve zmadhuese gjithashtu ka përfitime të tipit postural pasi detyron mjekun për një pozicionim pune më të drejtë që varet nga distanca fokale (e fokusimit) e pajisjes së zmadhimit që po përdoret. Puna e stomatologut është përsëritëse, zgjatet për shumë orë dhe është e rëndësishme të kemi kujdes në këtë aspekt me qëllimin për të parandaluar patologjitë e mundshme muskulo-skeletore duke filluar nga zona lombare deri sa arrijmë në rachis cervikal dhe te shpatullat. Në thelb nëse punohet me sy të lirë lind nevoja për të përkulur kokën përpara për të ndriçuar zonën e punës duke kërkuar që të shmangim ndërhyrjen në rrezen e dritës së llambës, hap pas hapi që përdoren instrumente zmadhuese me dritë koaksiale i imponojmë kokës më pas të gjithë trupit një pozicionim më të drejtë. Sistemet zmadhuese që përdoren në fushën stomatologjike janë dy llojesh: syze zmadhuese dhe mikroskop operator. Syzet zmadhuese me lente galilean apo prizmatike kanë një zmadhim që zakonisht shkon nga 2,5 në 5 herë, me distancë fokusimi nga 30 në 45 cm. Syzet që lidhen me një rreze drite koaksiale janë të solidarizuara me kokën e mjekut, ndjekin lehtësisht lëvizjet dhe imponojnë distancën e punës për fokusim. Pesha e këtyre instrumenteve është e reduktuar por është një aspekt që duhet marrë në konsideratë kur puna zgjatet për shumë orë. Mikroskopi operator është një instrument që lejon një zmadhim nga 2,5 në rreth 25 herë, nuk është i bashkuar me kokën e mjekut pra nuk rëndon në stabilitetin e rachis cervikal. Vështirësia në spostim kompensohet nga fërkimet që lehtësojnë lëvizjen e makinës dhe nga mundësia për të ndryshuar distancën e fokusimit me rreth 30 cm. Me përdorimin e kësaj pajisje postura e mjekut arrin maksimumin e efikasitetin me kokën drejt dhe shikimin drejt pafundësisë. Një avantazh tjetër është mundësia për të pajisur aparaturën me sisteme të kapjes së imazhin në kohë reale (foto dhe video).

Në profilin e aplikimeve praktike, a ka fusha në të cilat përdoren më shpesh mikroskopët?
Përdorimi i një mikroskopi operator në praktikën e përditshme stomatologjike është shumë më pak i përhapur në krahasim me atë të syzeve zmadhuese; shkaqet e mundshme mund të jenë kostot e pajisjes, frika e një kohe shumë të gjatë për ta mësuar, frika për të ngadalësuar kohën e procedurave klinike dhe mendimi se është i rezervuar vetëm për pak degë të stomatologjisë. Sipas meje në fakt nëse përdoret në mënyrë korrekte mikroskopi operator ofron avantazhe të shumta në 360 gradë, si në fushën diagnostikuese si në atë terapeutike dhe kirurgjikale.

Si përcaktohet postura?
Një nga temat e kërkimit që po zhvillojmë në bashkëpunim me Politeknikun e Milanos është analizimi i posturës së mjekut në ekzekutimin e vetë procedurës kirurgjikale (ekstraksioni i një molari të tretë inferior) me sy të lirë (grupi i kontrollit) me sisteme zmadhuese 4x450 të tipit prizmatik me ndriçim koaksial dhe me mikroskop operator. Krahasimi i posturës së operatorit në të tre kushtet do të jetë objekt studimi dhe analizimi i të dhënave do të na lejojë që të verifikojmë nëse do të ketë avantazhe reale dhe nëse midis tyre mikroskopi na lejon që të përftojmë rezultatin më të mirë. Për të matur çdo ditë posturën e mjekut pozicionohen pika me marker që i japin mundësinë një softueri - nëpërmjet telekamerave me rezolucion të lartë - që të identifikojë me saktësi pozicionin e trungut, të kokës dhe të shpatullave të mjekut gjatë kryerjes së vetë procedurës operatore në tre mënyrat e përmendura. Rezultatet finale do të përcaktojnë gradët e përkuljes së artikulacioneve të kokës që janë marrë në shqyrtim, vlerave superiore me ato që kemi si referim për ekspozimin ndaj riskut të lindjes së patologjive muskulo-skeletore (tregues Rula - Rapid upper limb assessment) dhe do të lejojnë që të kuptojmë se në cilën situatë kirurgu ka operuar brenda një shkalle sigurie.

Në fushën e periodontologjisë, doktor Ghezzi (në foto), cilat avantazhe derivojnë nga përdorimi i mikroskopit?
Në këtë degë i rikthehemi gjithmonë e më shpesh mini invazivitetit, duke nënkuptuar me këtë term një trajtim drejtuar ruajtjes së indeve (kockë, dhëmb dhe gingiva) duke reduktuar dimensionet e qasjeve kirurgjikale dhe në këtë, sigurisht, mikroskopi optik luan një rol thelbësor. Avantazhet e përgjithshme variojnë nga terapia jo kirurgjikale në atë kirurgjikale dhe kanë të bëjnë me reduktimin maksimal të traumave të indeve dhe reflektohen në proceset më të shpejta të shërimit me reduktim neto të bezdisjes së pacientit.

A ka ndërhyrje specifike në të cilat zmadhimi i shumtë favorizon mjekun?
Tre kirurgjitë më të mëdha kirurgjikale periodontale janë të përbëra nga qasje mukogingivale të kirurgjisë kockore dhe rigjeneruese.
Në fushën e kirurgjisë rigjeneruese moderne presupozimi po bëhet ai që të operohet duke ndjekur koncepte të minimally invasive surgery (MIS), teknikë shumë komplekse në mos e pamundur pa zmadhime të shumta dhe ndriçim të fuqishëm.

Në kirurgjinë kockore gjatë rezeksionit flitet për "ruajtje të fibrave" pra është thelbësore që të arrijmë të shikojmë në brendësi të sipërfaqeve shumë të vogla konkave. Për sa i përket kirurgjisë mukogingivale, rikthimi tek incizionet gjithmonë e më të vogla dhe përdorimi i penjve për qepje më të vegjël lejon reduktimin e traumave dhe përshpejtimin e shërimit.

Doktor Massironi (në foto), ju jeni pionieri në Itali i përdorimit të stomatologjisë së mikroskopisë optike. Cilat janë avantazhet sipas jush?
Avantazhi i parë është ai i ergonomisë posturale të mjekut. Përdorimi i mikroskopit në fakt lejon një pozicion korrekt të trupit përveç, sigurisht, avantazhit të zmadhimit. Pas një periudhe fillestare të mësimit, kushdo është në gjendje që të përdorë mikroskopin në mënyrë që të arrijë vizualisht dhe pjesët e gojës më pak të aksesueshme. Stomatologu mund të përdorë precizionin si një instrument perfeksioni, duke anuluar marzhet e gabimit dhe duke garantuar rezultatet më të parashikueshme në kohë.

Po në fushën specifike të protezave?
Një nga procedurat më të rëndësishme të protezave është faza e përgatitjes protetike të monkonit dhe marrja e gjurmës me qëllimin që të arrijmë të matim dhe lexojmë margot protetike në mënyrë të detajuar dhe precize. Nëpërmjet përdorimit të mikroskopit stereo jemi në gjendje që të përcaktojmë në mënyrë atraumatike margot dhe t'i analizojmë më pas në gjurmë duke kontrolluar dhe përfunduar provizorët dhe të gjitha fazat në vijim, përfshirë provën e strukturave, fazën pasuese të cementimit dhe të heqjes së tepricave. Kjo na lejon që të krijojmë struktura protetike me profile korrekte të emergjencës dhe të integruara në mënyrë perfekte në fushën funksionale dhe estetike.

Përktheu: Erjola Taga