Dentisti dhe asistenti i tij janë në mënyrë absolute profesionet më të rrezikshme

Mendonit se pilotimi i një avioni lufte, larja e xhamave të një grataciele njujorkeze apo mbledhja e karbonit në një minierë janë punët më të rrezikshme dhe mendonit se ishit me fat që qëndroni ulur në karrigen tuaj për t'u kujdesur për dhëmbët gjatë gjithë ditës?

Në fakt gaboheni!
Sipas të dhënave të Occupational Information Network të marra nga Indipendent, të jesh dentist ose asistent dentar është absolutisht profesioni më i rrezikshëm.
Për të hartuar klasifikimin e punëve më të rrezikshme, studiuesit kanë marrë në konsideratë ekspozimin ndaj situatave të rrezikshme, ndaj substancave ndotëse, ndaj rrezatimeve, ndaj sëmundjeve, por edhe ekspozimin ndaj prerjeve, pickimeve, çarjeve dhe kryerjes së punës sedentare. Për çdo faktor është shënuar një shkallë pikësh nga 1 (pak) deri te 100 (shumë) në bazë të riskut të mundshëm. Pikët kanë shërbyer për të hartuar klasifikimin e punëve më të rrezikshme.

Në 25 punët më të rrezikshme shumë prej tyre ishin profesione të shëndetësisë përveç teknikëve të ashensorëve, punëtorëve të furrave, ato që punojnë në stacione gazi dhe pilotët e avionëve. Por asnjë nga këto punëtorë nuk rrezikon aq sa dentistët dhe asistentët e tyre që sipas të dhënave kanë arritur 65,4 pikë /100 për shkallën e riskut: pikët më të larta në krahasim me profesionet e tjera.

Sipas studimit faktorët për të cilët dentisti rrezikon më shumë janë: risku i infektimit (84/100 pikët për këtë lloj risku), risku nga infeksionet (75/100) dhe risku që lidhet me kohën që ai sheh dhëmbët duke qëndruar ulur (67/100).
Profesionet e tjera të klasifikuara si të rrezikshme pas dentistit janë:
Vendi i dytë: asistentët e fluturimeve;
Vendi i tretë: anestezisti;
Vendi i katërt: veterineri;
Vendi i pestë: podologu.

Përktheu: Valbona Spahia