Amazon interesohet për shpërndarjen e materialeve stomatologjike. Në SHBA ka shkaktuar probleme në bursë por a është Europa objektivi tjetër?

Amazon kompania e famshme e shitjeve online mund të revolucionojë sistemin e shpërndarjes për botën dentare duke blerë produkte nga industri prodhuese dhe duke i shitur ato drejtpërdrejt për dentistët.
Në mbështetje të saj është Jim Cramer drejtues i programit të njohur televiziv Mad Money i rrjetit Amerikan CNBC.
Pasi kanë përmbysur sektorin tradicional të shitjes me pakicë dhe atë të supermarketeve (me blerjen e Whole Food), kolosi amerikan i tregtisë elektronike po blen produkte për përdorim stomatologjik (sisteme të radiologjisë dentare dhe sisteme CAD CAM) drejtpërdrejt nga prodhuesi Dentsply Sirona.

Duke vepruar kështu, mund të shesë pajisje dhe produkte mjekësore drejtpërdrejt te dentistët me çmime më të ulëta se ato të praktikuara nga dealer (tregtari), shprehen analistët. Në Amazon tashmë prej kohësh gjenden produkte stomatologjike të distributorëve të ndryshëm por nuk janë shitur drejtpërdrejt nga kolosi amerikan.
Njoftimi ka provokuar menjëherë pasoja në tregun e aksioneve të bursës së New York-ut duke penalizuar titujt e shpërndarësve kryesorë të produkteve stomatologjike të SHBA: Henry Schein ka pësuar rënie me - 3,4% dhe Patterson Companies me -5,7%.

Jim Cramer supozon se Amazon po çon përpara një strategji spekulative, prandaj ka refuzuar krerët e dy kolosëve të shpërndarjes në fushën dentare që po vuajnë në Wall Street. Javën e kaluar zërat se Amazon po përpiqej të bënte marrëveshje me disa prodhues të barnave gjenerike, ndër të cilët Mylan, për një futje potenciale në sektorin në fjalë, provokoi një reagim edhe pse pak më të përmbajtur mbi titujt e shpërndarësve McKesson (-0,2%), AmerisourceBergen (+0,3%) dhe Cardinal Health (-0,6%).

Davis Cussotto

Përktheu: Erjola Taga