Përplasje ligjore në SHBA për maskerinat transparente dhe skanerin intraoral. Align Tecnology Inc. dëshiron të çojë "3 Shape" në gjykatë

Align Tecnology Inc., kompania amerikane me seli në San Jose (California) që prodhon dhe shpërndan maskerinat transparente Invisaling dhe skanerin intraoral me gjurmë iTero, ka vendosur që të "luftojë" kundër 3 Shape, kompani multinacionale daneze që prodhon 3 Shape Trios, duke e thirrur në gjykatë me akuzën se ka shkelur patentat e softuerit menaxhues.

Align Tecnology Inc. fillimisht ka paraqitur ankesa para komisionit federal për tregtinë (U.S. International Trade Commission) duke supozuar se 3 Shape shkelte ligjet amerikane mbi importin dhe ka kërkuar pezullimin e shitjes së skanerit 3 Shape Trios dhe të softuerit të tij menaxhues. Më pas ka paraqitur 4 denoncime pranë gjykatës të Distriktit të Delaware për një shkelje të mundshme të patentës mbi sistemin e skanimit intraoral dhe mbi softuerin e tij, duke kërkuar dëmshpërblim monetar. Themeluar në 1997 nga Zia Chishti dhe Kelsey Wirth, Align Tecnology ka faturuar në 2016, 1,08 miliard dollarë.

Roger E. George (zv. President i Align) ka deklaruar për shtypin amerikan, "kompania e tij udhëheq botën në stomatologjinë dixhitale dhe në 20 vjet kërkimesh dhe zhvillimi, ka krijuar një portofol të gjerë patentash që përfaqësojnë gurë të tjerë themeli në evoluimin dixhital të sektorit dixhital". "Mbrojmë fuqishëm pronën tonë intelektuale", është shprehur Geoge, "si kur bëhet fjalë për maskerinat transparente, skanerin intraoral apo softuerin menaxhues".

Align Tecnology Inc. kohët e fundit ka qenë objekt i vëmendjes së shtypit dhe për praninë e saj (me 19%) në kapitalin social të SmileDirect, kompani që realizon maskerinat transparente "do it yourself" (në kushtet e shtëpisë) pa shkuar te dentisti ose më mirë siç shpjegohet ndryshe dentisti projekton rastin dhe përshkruan pajisjen, por më pas pacienti nuk e shikon më kurrë atë, pasi gjurma merret nga vetë pacienti nëpërmjet një kiti që dërgohet në shtëpi. Disa ortodontë të ADA (American Dental Association) që kanë paralajmëruar pacientët në rrjetet sociale, duke i informuar për risqet që mund të hasen, kanë qenë objekt i veprimeve ligjore, pasi kanë përhapur informacione false dhe çorientuese rreth SmileDirect.

Davis Cussotto

Përktheu: Erjola Taga