Si të bëjmë kuriozë personat nëpërmjet rrjeteve sociale dhe t'i shndërrojmë ata në pacientët tanë. 6 këshillat nga eksperti amerikan

Një gjë është e qartë, në botën e rrjeteve sociale imazhi ka rëndësi më shumë se 1000 fjalë. Të postosh një foto të bukur në Facebook, mund të rrisë në maksimum sharing (shpërndarjen).
Kjo është ajo që mbështet Kristie Nation, konsulente amerikane e komunikimit për studimet dentare. Video, vijon Nation, ka një impakt akoma më të madh në sharing, në botën e medias. E rëndësishme është sigurisht që të mos jemi të mërzitshëm. Nëse publikojmë një filmim mbi përdorimin e laserit që sapo kemi blerë, mund të bëjë që ndjekësit të mërziten.

Erik Qualman, një lider autentik i komunikimit dixhital, në shkrimin e tij të fundit "Socialnomic", shprehet se në "rrjetet sociale" kanë më shumë sukses bizneset e orientuara tek argëtimi, sesa ato që përdorin publicitetin komercial.
Si mund të krijojë një profesionist video me një buxhet të vogël në dispozicion, në mënyrë që t'i shpërndajë ato?

Përgjigja e Qualman është e thjeshtë: "storytelling" ose praktika e konsoliduar duke përdorur narrativën që përfshin folësin, duke u përpjekur që të theksojmë gjendjen e tij emocionale.
Sot "Storytelling Management" është bërë një disiplinë e vërtetë dhe e mirëfilltë që duket se është në bazën e shumë sukseseve të kohëve të fundit, politike dhe të biznesit.

Eksperienca e narracionit ka origjinë shumë antike, Yohanan Grinspon i The Hebrew University of Gerusalem në shkrimin Crisis and Knowledge The Upanishadic Expreince and Storytelling (Oxford U.P. 2003), shprehet se Upanishad, Shkrime të Shenjta Hindu të shekullit VIII p.e.s, janë forma e parë e storytelling. Kjo vërteton hipotezën se pavarësisht teknologjive të avancuara të erës sonë, njerëzit e kohëve dhe lartësive të ndryshme vihen në marrëdhënie në mënyrë analoge.
Patrick Lencioni autor i "Business Fable" shprehet se "personat janë në kërkim të diçkaje që të kapë vëmendjen e tyre dhe që t'u mundësojë një eksperiencë të kënaqshme. Personat mësojnë më mirë kur ndihen të përfshirë". Duke vërejtur Facebook mund të shikojmë se postimet më të mira të shpërndara janë histori. Facebook vetë përdor fjalën "histori" për të përshkruar përmbajtje që janë për tu promovuar.

Ja 6 mënyra me të cilat studimi ynë, sipas Kristie Nation, do të jetë në gjendje të krijojë histori që spektatorët do të shpërndajnë:
1) Bëj një mbledhje të ekipit dhe analizo idetë për videon, më pas pyet veten: përse dikush duhet të shpërndajë këtë pasi ta ketë parë; nëse nuk e di përgjigjen, lëre këtë ide.
2) Sigurohu që kjo histori e videos të ketë një fillim, një konflikt dhe një zgjidhje finale, kjo është një histori edhe pse shumë e shkurtër.
3) Mos harroni "heroin" që nuk duhet të jetë absolutisht dentisti, por, për shembull një pacient, me të cilin të gjithë të mund të identifikohen.
4) Histori e shkurtër. Përdoruesi i Facebook-ut nuk klikon te video nëse është më e gjatë se 90 sek. 15 sekondat e para janë më të rëndësishmet për të tërhequr vëmendjen.
5) Fokusohu në përmbajtje që duhet të mbetet e freskët edhe pas një apo dy vjetësh, që të mund të rishpërndahet në një moment të dytë.
6) Rëndësia e muzikës në sfond, kujdes ndaj royalty, më mirë t'i besoni një grupi lokal që t'ju krijojë një muzikë ekskluzive.
Rrjetet sociale janë një udhëtim, jo një pikë mbërritje, prandaj të reagosh që të vazhdosh të rritesh dhe të përmirësohesh. Çdo veprim i kryer duhet të jetë më i mirë se i mëparshmi.
Emocioni që do të japë pacienti duke të referuar se të ka njohur falë "story" në Facebook do të jetë shumë i madh dhe do të paguajë të gjithë mundimin e kryer.

Nën kujdesin e: Davis Cussotto, Stomatolog, Twitter@DavisCussotto

Përktheu: Erjola Taga