Ndarja ekonomike aplikohet edhe në stomatologji. Në SHBA provohet modeli i Association of Dental Support Organisation

Modelet e reja të konsumit bashkëpunues të bazuara në ndarjen e të mirave dhe shërbimeve në vend të karakteristikave, janë bazat e të ashtuquajturës "sharing economy" (ndarja ekonomike). Me shtysën e revolucionit dixhital, me përhapjen e rrjeteve sociale dhe të ndryshimeve të tregut që lidhen me krizën ekonomike, fenomeni po ndryshon modelet e konsumit, aq sa sociologët flasin për një ndarje të mirëfilltë ekonomike.

Suksesi i Airbnb, Blablacar, Uber, është në sytë e të gjithëve.

Sjelljet tipike të "sharing economy" shfaqen në sektorin dentar amerikan. Sipas një raporti të kohëve të fundit të Marko Vujici përgjegjës i Health Policy Insitute të ADA (American Dental Association) aspektet me rëndësi janë dy:

1. Zvogëlimi progresiv i dentistëve pronarë të klinikave, që nga viti 2005 në vitin 2015, kanë kaluar nga 84% në 80% në Shtetet e Bashkuara. Fenomeni është më domethënës midis gjeneratave të të rinjve që shpejtojnë të futen në tregun e punës.

2. Rritja e madhe e profesionistëve anëtarë të ADSO (Association of Dental Support Organization).

ADSO është një organizatë pa qëllim fitimi që lind me iniciativën e një grupi dentistësh dhe është projektuar posaçërisht për përfitim dhe me përfshirjen e profesionistëve të tjerë. Është e përbërë nga 40 kompani anëtare dhe më shumë se 100 partnerë industrialë. ADSO përfaqëson organizatat e mbështetjes dentare përballë publikut, politikanëve dhe mediave. I mundëson dentistëve të mbështetur, që të përqendrohen te pacientët e tyre dhe që të zgjerojnë aksesin ndaj kurave dentare duke mbajtur standardet më të larta të biznesit dhe të etikës profesionale.

Janë më shumë se 13.000 anëtarët ADSO që operojnë dhe në Australi, Kanada, Zelandën e re.

Pasuesit e organizatës nën 35 vjeç janë 20%. Por fasha e moshës që ka pasur rritje më të madhe në dyvjeçarin e fundit është ajo midis 35 dhe 49 vjeç. Me një prevalencë të madhe femërore.

ADSO nuk krahasohet me ADA pasi ofron shërbime alternative: formim manaxherial të personelit të klinikës, grupe blerje, promocion të imazhit të pasuesve nëpërmjet përfshirjes në fushata filantropike, përveç të gjitha shërbimeve të ofruara nga kompania partnere ADSO.

ADSO përfaqëson një formë ndarje të shërbimeve midis profesionistëve, për të deleguar disa detyra jashtë klinikës së aktivitetit dhe për të kontrolluar kostot e menaxhimit.

Davis Cussotto

Përktheu: Erjola Taga