Nuk ka unanimitet për mbikëqyrjen rreth mënyrës se si i lajmë dhëmbët. Komuniteti shkencor merret në pyetje

Me sa duket nuk ka një miratim unanim se cila është mënyra më e mirë për të larë dhëmbët. Sipas një studimi të British Dental Journal, kjo gjë nuk mund të tregohet me saktësi.
Afirmimi vjen nga John Wainwright dhe Aubery Sheiham, dentistë kërkues pranë University College, Londër në Angli, që kanë marrë në testim teknikat manuale të larjes të përshkruara në librat e stomatologjisë dhe higjienës, udhëzimet e mundësuara nga kompanitë prodhuese të pastave të dhëmbëve dhe furçave dhe rekomandimet klinike të 10 kompanive kombëtare të dentistëve në shtete të ndryshme.

Pjesa më e madhe e burimeve këshillon që të lahen dhëmbët dy herë në ditë për të paktën dy minuta por nuk duket se ka një miratim se cila është mënyra më e mirë për larjen manuale të dhëmbëve dhe kjo "nuk e nderon profesionin në tërësinë e tij" deklaron Winwrith, i cili vijon: "deri më sot nuk ekzistojnë prova shkencore që një teknikë është më e mirë se të tjerat".
Ndryshimet më të mëdha kanë të bëjnë me këndin me të cilin duhet të vendoset furça mbi sipërfaqen e smaltit dhe lëvizjen e shkaktuar nga dora.

Mbi bazën e këtyre dy faktorëve autorët kanë dalluar 6 metoda të ndryshme. Është e kotë të themi se lajmi ka krijuar një debat të nxehtë në ueb, si në ambientet më "akademike", si në shtypin në përgjithësi.

Epidemiologu amerikan Benjamin Chaffee i University of California futet në diskutim duke deklaruar për agjencinë Reuters Health se për më shumë se një shekull stomatologjia është fokusuar në larjen e dhëmbëve si instrumenti kryesor i parandalimit dhe është e rëndë që nuk është arritur në nivel ndërkombëtar njëzëri një konsensus, se cila është metodika më e mirë.

"Kërkimi duhet të ecë përpara në këtë drejtim" nënvizon Sheiham profesor i merituar pranë University College, Londër dhe bashkautor i studimit, "duhet absolutisht të shmangim që një pacient të na bëjë të ditur se këshillat tona mbi larjen e dhëmbëve ndryshojnë nga ato që i ka treguar dentisti i fundit në të cilin ka qenë".

Nën kujdesin e: Davis Cussotto, stomatolog. Twitter @DavisCussotto

Përktheu: Erjola Taga