Emergjenca kariesi në Angli. Nën akuzë ushqyerja

Pijet e gazuara, pijet qe konsiderohen të shëndetshme si ato "energjike", uji i aromatizuar dhe lëngjet e frutave dhe më pas sheqernat, vaktet e ndërmjetme dhe të gjitha ato stile jete pak të shëndetshme po vënë në rrezik buzëqeshjen e adoleshentëve anglezë.

Sirenë alarmi kundrejt kësaj "epidemie" të vërtetë kariesi, për fëmijët nën 18 vjeç është vetë Sistemi Shëndetësor Publik (Nhs) që kujton se si çdo ditë rreth 170 të rinj anglezë i drejtohen shërbimeve stomatologjike të spitaleve për të hequr dhëmbë nga dëmtimet e rënda nga kariesi dhe këto lloj ndërhyrjesh janë rritur me 17% në 4 vitet e fundit.

E pamohueshme është këshilla e ekspertëve për prindërit, me qëllim që të kontrollojnë më mirë ushqyerjen e fëmijëve dhe të rrisin kujdesin kundrejt parandalimit dhe kujdesit të higjienës orale.

Përktheu: Erjola Taga