Nga trajtimi dentar në idealizimin e indeve të buta. Kur estetika mbështet protetikën

Milvia Di Gioia

Stomatologët, prej kohësh, janë të vetëdijshëm për nevojën për të zbatuar të gjitha strategjitë e mundshme për të ruajtur apo madje, për të rritur kockën alveolare, për një mbështetje sa më të mirë të indeve të buta të fytyrës. Kjo rezulton akoma më kritike në zgjedhjet terapeutike në një fytyrë në rritje, aq sa ka çuar dok. David M.Sarver, tashmë që në vitin 2000, që të afirmojë Paradigmën e Indeve të Buta, që ka përfaqësuar një revolucion në planifikimin ortodontik si pasojë e principit guidë për zgjidhjen e malokluzionit dentar që është kombinuar nga një qasje vetëm dentare sipas Angle (këndit), në idealizimin e indeve të buta, ndaj të cilëve adaptohet plani i trajtimit dentar dhe okluzal.

Ky ndryshim i paradigmës ka bërë shumë aktuale qasjen terapeutike e cila ka ekzistuar gjithmonë në protezat totale, ku më pas është kryer montimi i dhëmbëve në trupat protetik dhe adaptohen në pozicionin korrekt të planit estetik dhe të dimensionit vertikal në buzëqeshje. Bëhej fjalë për zgjidhjen e parë të madhe në Stomatologji që lidhet me indet e buta të fytyrës. Zgjidhja e dytë më e madhe vjen për stomatologun nga teknikat që mundësojnë modifikimin dhe përmirësimin e indeve të buta duke reduktuar shumë invazivitetin e terapive.
Stomatologët kanë të gjithë instrumentet e analizimit për të përcaktuar se cilat elemente ekstraorale dhe intraorale përcaktojnë dismorfizmin që pacienti dëshiron të korrigjojë: i afrohemi fytyrës në mënyrë holistike, duke analizuar formën, proporcionet, volumet, aspektin kutan, mimikën dhe shprehitë faciale, buzëqeshjen, të qeshurën. Të anashkalosh gjatë vëzhgimit edhe vetëm njërin nga elementet që ndikojnë në harmoninë estetike të fytyrës dhe të buzëqeshjes, mund të na çojë në nënvlerësimin e situatës së korrigjimit të nevojshëm ose që të mos përftojmë rezultatin e dëshiruar. Jemi dëshmitar çdo ditë të fytyrave televizive që i ngjajnë më shumë maskave me dyll, në të cilat hijeshia e të shprehurit është shumë e kompromentuar, kur nuk është plotësisht e shkatërruar.
Nga ana tjetër dhe në studime stomatologjike të mirë pajisura, nuk janë të rralla situatat në të cilat pacienti kërkon që të trajtojë bashkë me malokluzionin - ose me një agenesis të kaninit si në shembullin e fundit të propozuar - dhe dismorfizmat faciale që i japin një pamje "agé" (të moshuar). Në këto raste një përgjigje ortodontike mund të përfitojë nga mbështetja e mjekësisë estetike dhe e filler-it, mbështetje që padyshim duhet përdorur me kujdes të veçantë ndaj detajeve dhe njohurive të plota anatomo-funksionale të indeve të buta dhe të karakteristikave të tyre. Në Kongresin ICAMP më 24-25 nëntor 2017, në Milano, është nënvizuar në mënyrë oportune, se si pasojat e ndërhyrjeve ortodontike ose të korrigjimeve të malokluzioneve kanë aspekte të rëndësishme estetike që stomatologu duhet t'i njohë dhe nëse duhet të përdorë apo jo mjekësinë estetike dhe për të adresuar pacientin e tij në përgjigjen terapeutike më të plotë dhe të kënaqshme.

Fig. 1 Aspekti fillestar i fytyrës. Pacientja kryente implante me filler

Fig. 2 Rezultati pas trajtimit intra dhe ekstraoral të harmonizimit

Fig. 3 Buzëqeshja e ndryshuar për sa i përket formës, proporcionit dhe ngjyrës në komponenten intra dhe ekstraorale ka qenë korrekte me ndërhyrjen protetike, të Filler-it dhe Botulinum

Fig. 4 Pas ndërhyrjes protetike dhe Filler dhe Botulinum

Për të përftuar një rezultat më natyral është korrigjuar më parë në mënyrë protetike suporti i buzës së sipërme dhe më pas indet e buta ekstraorale janë harmonizuar nëpërmjet filler-it me Acid Hialuronik

Fig. 5 Filler i pozicionuar në mënyrë tradicionale te zigomat dhe te buzët

Fig. 6 Asnjë filler

Fig. 7 Rimodelim Bio

Skicimi i vijave referuese në foton e fytyrës me pamje laterale është i rëndësishëm për të vlerësuar ndryshimet për sa i përket eversionit, protruzionit dhe volumit me ngarkesë të buzës.

Foto sipër është e dok. Camilla Bibi Molinari

Fig. 8 Analiza e profilit: inversion i raportit midis buzës superiore dhe inferiore në krahasim me E-Line të Ricketts, reduktim i këndit hundë-buzë, theksim i këndit buzë-mjekër dhe retropoziocionim i mjekrës.

Fig. 9 Korrigjimi i profilit me modifikim ortodontik të përkuljes së incizivëve superiorë dhe reduktim i mëtejshëm i suportit të buzës së sipërme, hapja e këndit hundë-buzë, korrigjimi i proporcionit labial me mentoplastikë shtesë dhe të sulkusit buzë-mjekër me Filler dhe Toksinën Botulinum

Foto: Për t'i dhënë një filleri të buzëve një pamje natyrale kujdesi i detajeve është kryesor, vijon dok. Di Gioia. Vajza në foto paraqet agenesis të kaninit superior majtas, zëvendësuar nga premolari i parë. Fryrja kockore korresponduese e pjesës fundore të krahut të hundës dhe profili i emergjencës së kurorës dentare, janë plotësisht të ndryshëm midis dy elementeve dentare, pavarësisht se indet e buta kompensojnë mirë asimetrinë. Asimetria e dukshme për një sy të ushtruar, në vermilionin superior të majtë dhe në komisurat labiale, korrigjuar me pozicionimin asimetrik të filler-it.

Përktheu: Erjola Taga