Marrëdhënia në Ekipin Stomatologjik: thelbësore. Ja si ta kultivojmë

Në klinikën stomatologjike burimi thelbësor është Ekipi i përbërë nga një grup personash që ndajnë një aktivitet, një objektiv dhe një cilësi të përbashkët.
Grupi ekziston, për më tepër kur individët bëhen koshientë se, në një farë mënyre, fati i tyre është i lidhur me atë të grupit ("ndërvarësi e fatit", K.Lewin).

Në ekipin stomatologjik, përtej "ndërvarësisë së fatit" shfaqet dhe ndërvarësia e detyrës", kjo ndodh kur ka një qëllim për t'u arritur apo një detyrë për t'u kryer, e tillë që rezultatet e secilit anëtar ndikojnë në rezultatet e të tjerëve. Kjo ndërvarësi mund të jetë "pozitive", kur i lë vend ndjenjave të bashkëpunimit dhe kohezionit midis kolegëve duke favorizuar një performancë më të mirë të ekipit; ose "negative", kur mbizotëron konkurrenca që të çon drejt pasigurisë, reduktimit të kohezionit dhe përkeqësimit të performancës.

Një ndërveprim i tillë gjenerohet në marrëdhënien midis kolegëve dhe është pikërisht nga komunikimi ku fillon "marrëdhënia", ose marrëdhënia me tjetrin është tashmë e nënkuptuar në vetë ekzistencën njerëzore.
Çdo komunikim nënkupton një impenjim dhe prandaj përcakton marrëdhënien. Komunikimi jo vetëm që transmeton informacion por në të njëjtën kohë imponon një sjellje.

Bëhet e nevojshme që komunikimi midis kolegëve të jetë optimal dhe të ndodhë në një klimë pjesëmarrëse që reflektohet dhe te pacienti: I gjithë ekipi duhet të shohë në të njëjtin drejtim! Çdo lloj sjellje është komunikim!

Komunikimi efikas është ai i bazuar në ndarjen e atyre pjesëve tona dhe të bashkëbiseduesit tonë që aktivizohen në shkëmbimin komunikues.
Këto pjesë tonat janë një bashkësi emocionesh, mendimesh dhe sjelljesh që i vëmë në zbatim dhe përfaqësojnë mënyrën tonë të të qenit Normativë-Afektivë-Racionalë-Emotivë... Elemente të tjera thelbësore për përbërjen e një Ekipi nisin nga metodat që duhen ndjekur, nga rolet që duhen ndarë dhe nga objektivat si: bashkëpunimi aktiv, zhvillimi i kompetencave, ofrimi i shërbimit, kurimi i pacientit.

Ekipi bëhet një mjet pune me qëllim gjenerimin e vlerave!

Të kuptosh të tjerët dhe nëpërmjet eksperiencës së tyre të përditshme të punës, bën të mundur që të zhvillohet një situatë pune e mirë dhe kolektive.

Ndjenja e ekipit që mund të ndihet në një klinikë është katalizatori i të gjitha sinergjive.

Një ekip i përshtatur mirë nuk është vetëm një grup personash që reagojnë për një objektiv të përbashkët, është një grup ku të gjithë anëtarët ndajnë një qëllim, kanë një objektiv të përbashkët, bashkëpunojnë duke shumëfishuar forcat e tyre. Ekipi lind në kokën e personave që e përbëjnë dhe realizohet nëpërmjet sjelljeve që këto vënë në zbatim kur punojnë me anëtarët e tjerë të ekipit dhe kur kryejnë punën e tyre brenda në ekip.

Ekipi zhvillohet vetëm nëse personat që e përbëjnë fuqizojnë kompetencat individuale dhe i përkthejnë në sjellje që gjenerojnë vlerë për Ekipin.
Kompetencat në fakt janë si "muskujt": nëse i përdor fuqizohen, nëse nuk i përdor dobësohen!
Kompetencat zvogëlohen kur ka skema mendore që pengojnë përdorimin e tyre si p.sh.: "jam e bindur se për të punuar në skuadër duhet kohë..."
Një qasje e tillë do t'i pengojë që të aktivizojnë në mënyrë të shpeshtë sjelljet që shprehin kompetencë në punën në skuadër (teamworking).

Kompetencat zvogëlohen pasi ekipi shprehet nëpërmjet sjelljeve më pak efikase dhe të konsoliduara në sjellje dhe rituale kolektive.
Për shembull përqendrohemi shumë në menaxhimin ditor të klinikës por pak mbi planifikimin e objektivave afatmesme dhe afatgjatë dhe vendimet tentojnë që të shtyhen. Pasi përdoren logjika që nuk lejojnë rritjen e kompetencave. Për shembull nëse një A.S.O (Accertamento Sanitario Obligatorio) citon që "të punosh do të thotë të kryesh aktivitete" do të ketë vështirësi që të përqendroheni te pacientët.
Nëse një mjek thotë: "e bëj unë" në vend të "e bëjmë bashkë" kjo mënyrë çon që të mos vlerësohen personat. Kompetencat manifestohen nëpërmjet sjelljeve dhe vërehen si në nivel individual si në ndërveprimin me të tjerët.

Kompetencat mund të zhvillohen!

Unë mendoj se Ekipi ekziston kur ofrohet një stomatologji cilësore, duke ditur se kompetenca e vetme klinike e stomatologjisë është ndarja e nevojshme po jo e mjaftueshme për të ballafaquar të gjitha dinamikat ditore.

Nën kujdesin e: Francesca Cancellada: psikologe, njohëse shumë e mirë e punës në ekipin dentar.

Përktheu: Erjola Taga