Vjen WhatsApp Business. Ja përdorimet e mundshme për klinikën stomatologjike

WhatsApp është bërë sistemi më i përhapur për mesazhet e menjëhershme, duke zëvendësuar plotësisht SMS-të e vjetra: 1,3 miliard janë përdoruesit në botë. Sipas raportit prestigjioz "We are Social" të realizuar çdo vit nga Hootsuite, në 2017 WhatsApp ka fituar vendin e tretë në Itali në klasifikimin e platformave sociale më të përdorura vetëm pas YouTube (57%) dhe Facebook (55%).
WhatsApp nuk bën dallime sociale dhe në moshë, duke parë që përdoret nga 48% e popullsisë midis 16 dhe 64 vjeç.

Pas pak ditësh WhatsApp do të ndahet dhe do të bëhet dhe "biznes".
Objektivi, lexojmë në blogun zyrtar, është ai që të vëmë në kontakt më lehtësisht aktivitete të vogla me klientët tanë ose me klientët e ardhshëm. Aplikacioni i ri mund të shkarkohet për telefonat smart Android dhe shumë shpejt dhe për ata Apple. Por është edhe një mundësi që të përdoret në PC ose Mac.
Nëpërmjet aplikacionit, kompania mund të hapë një llogari biznesi duke ndarë përdorimin privat nga ai i kompanisë që të kontaktojë me klientët e tij por dhe që t'i lejojë klientëve potencialë që ta gjejnë, duke gjetur informacionet e dobishme (adresa fizike, siti, e-mail) dhe të kontaktojë drejtpërdrejt aktivitetin. Sistemi lejon më pas që të përgjigjesh në kohë reale por edhe që të aktivizosh një sërë përgjigjesh "automatike".
Pra për mesazhet personale do të mbetet aplikacioni tradicional ndërsa për ata të dedikuar për aktivitetin vetjak do të jetë i mundur një version dhe instrumentet e dedikuar.

Ndër "kompanitë" e interesuara për këtë risi janë sigurisht klinikat stomatologjike.
"WhatsApp është sigurisht një instrument interesant për menaxhimin e klinikës dhe komunikimin me pacientët e tu", shpjegon për Odontoiatria33 Davis Cussotto, dentist, autor i librit "Digital marketing për stomatologët".
"Pa dyshim mundëson përmirësimin e komunikimit me ata që janë tashmë pacientët tanë". "WhatsApp - vijon ai - zëvendëson në shumë raste telefonatën që ndërpret aktivitetet normale të personave dhe lejon në fakt dërgimin e mesazheve në mënyrë diskrete dhe miqësore ndoshta për të kujtuar një takim ose për të komunikuar informacione apo për të pyetur nëse ka pasur probleme pas një ndërhyrje". "Mendoni se si me pak kreativitet është e mundur që t'i jepni dhe pak "intonacion" mesazhit duke përdorur emoticon (vizatime të shprehive faciale njerëzore apo të objekteve të çdo lloji) apo mesazhe vokale, fotografi dhe video të shkurtra".
Këto janë 6 veprimet për të cilat dok. Cussotto këshillon përdorimin e aplikacionit të ri WhatsApp me pacientin:
1) reminder (rikujtim) për takimin është përdorimi kryesor, i cili ofron rezultate të shkëlqyera. Deri më sot duhej të kënaqeshim me versionin WhatsApp Web që lidhet me telefonin smart të klinikës dhe është i instaluar në desktopin e kompjuterit. Puna e sekretares në fakt rezulton e thjeshtuar. Ajo mund të bëjë mesazh nga një tastierë dhe të marrë më lehtësisht të dhënat dhe të bëjë copy - paste.

Kemi besim se WhatsApp Business, i mundëson zhvilluesve ta lidhin direkt me menaxhimin duke përmirësuar më tej shërbimin e ofruar
2) të pyesësh thjesht se si shkon pas një ndërhyrje të vështirë
3) të kujtosh për të kryer një terapi
4) të dërgosh përshëndetje, urime, dhe ngushëllime
5) të dërgosh instruksione për të bërë diçka, këshilla apo dozime që pacienti ka harruar
6) të dërgosh fatura apo rikujtesë për të shlyer pagesën

"Prej kohësh përdor WhatsApp në numrin e telefonit celular dedikuar klinikës dentare", vijon Cussotto. "Pacientët tanë janë shumë krijues: na ndodh që të marrim foto të dhëmbëve me karies apo proteza të thyera. Shumë kërkesa në shikim të parë jashtë orareve të hapjes së klinikës vijnë në WhatsApp, që zëvendëson në këtë rast sekretarinë tradicionale telefonike".
Por jo vetëm, Cussotto kujton se krijimi i një grupi në WhatsApp me ekipin e punës mund të bëjë më të shpejtë dhe efikase ndarjen e informacioneve të shërbimit (ndryshime të orarit të punës, keqfunksionim i një pajisje etj.). Kërkesa e një mendimi nga kolegu për një radiografi apo një lezion bëhet në këtë mënyrë shumë e shpejtë dhe na orienton në marrjen e një vendimi me pacientin akoma në poltron.
"Tani me funksionet e reja që i dedikohen biznesit, hapen funksionalitete të reja interesante dhe do të jetë gjithmonë e më e vështirë që të mund të bëjmë pa to", përfundon Cussotto.

Nor.Mac.

Përktheu: Erjola Taga