Kur pacienti flet keq për ty në Ueb. Ja rregullimet që duhen bërë

Në karrierën profesionale i ndodh të gjithëve që të takojnë një pacient të pakënaqur që bën komentet e tij.

Sot, përveçse përhap fjalë negative midis të njohurve të tij mund të përdorë edhe uebin madje duke hartuar një recension negativ në një business review site (psh. Google+, Yelp) apo në një rrjet social.

Recensioni negativ, në kohën e uebit 2.00 mbetet në rrjet praktikisht përgjithmonë dhe një klient i ri potencial që kërkon njoftime për ne, në Google mund të ndeshet me to.
Në pritje që Google, siç është kërkuar së fundi nga Komisioni Europian, të mundësojë procedurat përfundimtare për të ushtruar "të drejtën e harresës", mund të shfrytëzojmë këshillat e Graig Presti, konsulent biznesi në USA, që na i mundëson nga faqet ueb të një siti amerikan të specializuar në marketingun stomatologjik.

"Problemi" - shkruan Presti - "nuk është nëse do të ndodhë kjo ngjarje e pafavorshme, por thjesht kur të ndodhë, atëherë do të na duhet të jemi të përgatitur për betejë".

Ja rregullimet që na sugjeron:
1) Të pajiseni me një llogari Google my business që përveç se e vendos klinikën tuaj në hartat e Google të lejon dhe aktivizimin e 5-star Google, një shërbim i ri që të njofton nëpërmjet e-mail-it kur dikush lë një recension.
2) Identifikoni në klinikë apo delegoni jashtë figurën e referuesit të komunikimit apo të menaxherit të rrjetit social që monitoron çdo ditë feedback-un që vjen nëpërmjet uebit social.
3) Dërgojini pacientëve që dalin nga klinika formularin e recensionit që duhet plotësuar: inkurajon komentet pozitive dhe dekurajon ato negative.
4) Mblidh recensionet e pacientëve të kënaqur, idealja është që të përdorni një mini intervistë në Youtube, siç ka bërë dr. Larry Stroud.
5) Jepni intervista dhe favorizoni prodhimin e deklaratave për shtyp që të flasin për profesionalizmin tuaj në mediat tradicionale (shtypi, TV, radio).

Nën kujdesin e: Davis Cussotto, stomatolog profesionist Twitter @DavisCussotto

Përktheu: Erjola Taga