A janë cigaret elektronike të dëmshme për shëndetin periodontal? Përgjigjja nga një kërkim i huaj

Lara Figini

Përdorimi i cigareve elektronike (e-cigs) është rritur ndjeshëm vitet e fundit në të gjithë botën, në mënyrë të veçantë te të rinjtë, por fatkeqësisht vetëm një numër i kufizuar studimesh në literaturë kanë shqyrtuar këtë tematikë të efektit potencial toksik të tymit elektronik në shëndetin oral (Harrison dhe Hicklin, 2016, Roubhia et al, 2016, Sundar et al, 2016).

Cigaret elektronike (e-cigs) janë të përbëra nga një element metalik nxehës në një guaskë çeliku të paoksidueshëm, nga një fishek, një nebulizator (pluhurues) dhe një bateri. Elementi nxehës avullon një solucion që përmban një përzierje të substancave kimike ndër të cilat nikotinë dhe aditivë / humektantë të tjerë, një agjent glikol - propilenik, glicerinë / glicerol. Në treg janë të pranishëm qindra agjentë të ndryshëm aromatizues me shije frutash, karameli etj. Në aerosolin e e-cig përveç përqendrimit të nikotinës, që mund të rregullohet subjektivisht por që mund edhe të rritet (deri në 24 mg), ka edhe substanca të tjera të shumta kimike, ndër të cilat aldehide (si karbonilet), metale të rënda (nikel, krom), grimca metalike / shumë të vogla / nanogrimca dhe nitrosaminat specifike të duhanit si diacetil, 2,3-pentanione dhe acetoin (gjalpi) (Cheng, 2014; Kosmider et al, 2014). Por fatkeqësisht është sinjalizuar një mungesë e përgjithshme e mbikëqyrjes në prodhimin dhe komercializimin e këtyre e-liquid/ e-juices (Lisko et al, 2015), prandaj ekzistojnë shqetësime domethënëse për sa i përket pastërtisë dhe jotoksicitetit të ingredientëve të përdorur në cigaret elektronike. Sipas një rishikimi të publikuar në Oral Disease në Nëntor 2017, përdorimi i e-cig dhe/ose i nikotinës së thithur bashkë me substanca të ndryshme kimike aromatizuese mund të kontribuojë në patogjenezën e sëmundjeve periodontale dhe pulmonare.

Autorët e këtij rishikimi kanë këshilluar data baza si PubMed (National Library of Medicine), Google Scholar, Scopus, EMBASE, MEDLINE (OVID) dhe Web of Knowledge duke kujtuar studimet që kanë vlerësuar efektet e e-cig në shëndetin periodontal dhe pulmonar. Janë përfshirë të gjithë studimet mbi argumentin in vivo, in vitro, të kryera te kafshët dhe case report (raporte të rasteve). Nga ky rishikim është zbuluar se përdorimi i cigareve elektronike dhe i nikotinës së thithur çon në inflamacion në nivel oral, duke çrregulluar përgjigjet riparuese të organizmit, sidomos duke interferuar në diferencimin e miofibroblasteve. Kjo mund të ndikojë në kapacitetin e tyre shërues të plagëve duke zvogëluar kapacitetin e kontraktimit të plagës dhe duke favorizuar lëshimin e ndërmjetësve të shumtë pro-inflamacionit. E-cig dhe agjentët e saj aromatizues, bashkë me ndërveprimet e tyre kimike me nikotinën, mund të prodhojnë efekte të dëmshme në ligamentin periodontal, në qelizat staminale dhe në fibroblastet gingivale për shkak të gjenerimit të aldehideve dhe karbonileve. Aerosoli i gjeneruar nga cigaret elektronike gjeneron carbonylation proteinik të matriksit ekstraqelizor duke krijuar dëmtime të ADN-së dhe të plakjes qelizore.

Nën kujdesin e: Lara Figini, Koordinatore Shkencore e Odontoiatria33

Për më tepër:
• Harrison R, Hicklin D Jr (2016). Electronic cigarette explosions involving the oral cavity. J Am Dent Assoc 147: 891-896.
• Rouabhia M, Park HJ, Semlali A, Zakrzewski A, Chmielewski W, Chakir J (2016). E-cigarette vapor induces an apoptotic response in human gingival epithelial cells through the caspase-3 pathway. J Cell Physiol doi:10.1002/jcp.25677.
• Sundar IK, Javed F, Romanos GE, Rahman I (2016). E-cigarettes and flavorings induce inflammatory and pro-senescence responses in oral epithelial cells and periodontal fibroblasts. Oncotarget 7: 77196-77204.
• Chen EY, Sun A, Chen CS, Mintz AJ, Chin WC (2014). Nicotine alters mucin rheological properties. Am J Physiol Lung Cell Mol Physiol 307: L149-L157.
• Kosmider L, Sobczak A, Fik M etal (2014). Carbonyl compounds in electronic cigarette vapors: effects of nicotine solvent and battery output voltage. Nicotine Tob Res 16: 1319-1326.
• Lisko JG, Tran H, Stanfill SB, Blount BC, Watson CH (2015). Chemical composition and evaluation of nicotine, tobacco alkaloids, pH, and selected flavors in E-cigarette cartridges and refill solutions. Nicotine Tob Res 17: 1270-1278.
• Recent updates on electronic cigarette aerosol and inhaled nicotine effects on periodontal and pulmonary tissues. F Javed, SV Kellesarian, IK Sundar, GE Romanos, I Rahman. Oral Disease nov 2017 23, 1052-1057

Përktheu: Erjola Taga