Sedacion koshient me protoksid azoti

Kur është efikas dhe kur e shmang anestezinë e përgjithshme?

Nga Figini Lara

Shpesh stomatologu gjendet përballë rasteve që janë të vështirë për t'u menaxhuar, ose për shkak të ankthit të tepërt të pacientit, ose sepse gjenden përballë individëve pediatrikë pak bashkëpunues, pacientë me paaftësi ose me problematika kardiocirkulatore të një farë niveli, në të cilin duhen parandaluar emergjencat mjekësore.

Në këto raste ka rezultuar shumë efikas përdorimi i sedacionit koshient, që me gjendjen aktuale rezulton gjerësisht i përdorur dhe i mirë përcaktuar në protokolle specifike dhe lejojnë që të shmanget përdorimi i anestezisë së përgjithshme shumë më invazive. Kjo metodë përveç se është efikase, ka meritën të jetë shumë e sigurt dhe lehtësisht e menaxhueshme në fushën ambulatore.

Sedacioni koshient nëpërmjet protoksidit të azotit N2O/O2 ka një veprim analgjezik dhe ansiolitik dhe shkakton në nivelin e sistemit nervor qendror (SNC), depresion dhe eufori me efekte të papërfillshme në sistemin respirator dhe kardiocirkulator.

Tipologjia e kërkimit dhe mënyra e analizimit
Në një studim klinik të publikuar në British Dental Journal, mars 2018 është studiuar dobia e sedacionit koshient me protoksid azoti, mbi të gjitha duke hetuar se sa kjo metodikë mund të shmangë që t'i drejtohemi anestezisë së përgjithshme.

Të dhënat janë grumbulluar për një periudhë prej 2 vitesh dhe 2 muajsh në një kampion prej 118 fëmijësh dhe adultësh të rinj, referuar WCDC të West Cornovaglia. Kriteret e përfshirjes kanë qenë:

• Pacientë që nuk kanë paaftësi në të kuptuar
• Pacientë me moshë midis 4 dhe 18 vjeç
• Pacientë me nivele ankthi nga i lehtë në të moderuar kundrejt trajtimeve dentare
• Pacientë të predispozuar që t'i nënshtrohen sedacionit koshient me protoksid azoti RA (Analgjezi Relative).

Rezultate
Rezultatet kanë treguar se nga 118 pacientë 88% është menaxhuar me RA. Janë shmangur një total prej 105 anestezish të përgjithshme dhe 141 dhëmbë janë restauruar në vend që të ekstraktoheshin, falë kësaj metode.

Konkluzione
Nga studimi tregohet se sedacioni koshient me protoksid azoti RA është një alternativë efikase për anestezinë e përgjithshme dhe që falë kësaj metode një numër dhëmbësh mund të kurohet në vend që të ekstraktohet. Gjithashtu është zbuluar se RA ka një shkallë sëmundshmërie të papërfillshme.

Implikimet klinike
Në individët me ankth të lehtë dhe të moderuar dhe te fëmijët, ndihma e sedacionit nëpërmjet protoksidit të azotit mund të thjeshtojë menaxhimin për stomatologun duke i mundësuar që të kryejë trajtime konservative - në vend të atyre ekstraktuese - me frekuencë më të madhe duke shmangur anestezinë e përgjithshme që për pacientin rezulton sigurisht më invazive.

Për më tepër:

• Souto P, Robb N. Does relative analgesia with nitrous oxide reduce the number of general anaesthetic sessions and dental loss? British Dental Journal 2018;224(6):429-33.

Përktheu: Erjola Taga