Barnat në stinën e verës. Nga AIFA këshillat për pacientët dhe për punonjësit e shëndetësisë

Transportimit të barnave apo ruajtjes së tyre gjatë periudhës së verës duhet t'i kushtojmë kujdesin e duhur dhe mjekët apo dentistët duhet të sensibilizojnë pacientët e tyre për t'i kushtuar kujdes, për të garantuar integritet dhe efikasitet. Disa barna, për shkak të mekanizmit të tyre të veprimit, mund të ndikojnë me termorregullatorin apo mund të çrregullojnë gjendjen e hidratimit të organizmit, duke amplifikuar efektet e të nxehtit.
Për të kujtuar se i nxehti veror mund të jetë një problem për ruajtjen e barnave është AIFA (Agjencia e Barnave) që në portalin e saj ka publikuar një guidë për pacientin me sugjerime të dobishme për të evituar ngjarjet e pakëndshme që lidhen me konservimin e keq (apo transportin) të medikamenteve në prani të temperaturave të larta.
"Broshura, - thotë Agjencia e Barnave, - mund të ndahet dhe shpërndahet nga punonjësit e shëndetësisë që do të kenë në dispozicion një instrument më shumë për të sensibilizuar pacientin rreth këtyre praktikave të mira në kujdes të shëndetit".

Këshillat për dentistin janë ato klasiket:
• Të ruhen të mbrojtur nga drita, nga nxehtësia dhe lagështia, në dollapë të mbyllur dhe vende të përshtatshme.
• Të ndiqen udhëzimet e dhëna nga prodhuesi i barit.
• Nëse në fletën e udhëzimeve nuk janë treguar temperaturat e ruajtjes, temperatura e ruajtjes është midis 8°C dhe 30°C. Kujdes sepse në një ditë vere në një ambient të mbyllur dhe pa ajër të kondicionuar kjo temperaturë kalohet lehtë.
• Në frigorifer (jo në atë që përdoret nga klinika për pije dhe ushqime të tjera, por në një frigorifer të përshtatshëm për ruajtjen e barnave) duhet të vendosen barna, ruajtja e të cilave këshillohet midis 2 dhe 8 gradë.
• Për medikamentet që nuk duhet të ruhen në më shumë se 25 °C, është i nevojshëm një frigorifer ose një ambient i kondicionuar me temperaturë të kontrolluar.

Përktheu: Erjola Taga