Vlerësimi i MTA dhe Biodentine si materiale të pulpotomisë për dhëmbët e qumështit që janë ekspozuar ndaj kariesit

Nga Lucia Sardi

Qëllimi i studimit të publikuar në Clinical Oral Investigation në shkurt ishte krahasimi i normave të suksesit klinik dhe radiografik afatgjatë në pulpotomitë e kryera me Biodentine dhe MTA te dhëmbët e qumështit me ekspozimin pulpar nga kariesi.

Materiale dhe metoda
Për këtë studim janë seleksionuar 44 molarë qumështi mandibularë vitalë që kërkonin një pulpotomi.

Kriteret e përfshirjes kanë qenë:
• Prania e dentinës me karies përreth pjesës së ekspozimit pulpar;
• Mungesa e dhimbjes spontane;
• Asnjë ndjeshmëri në perkusion ose prekje;
• Asnjë histori ënjtjeje apo fistule;
• Asnjë shenjë radiografike për përthithjen e brendshme apo të jashtme të rrënjës'
• Asnjë zgjerim i hapësirës periodontale;
• Asnjë radiotransparencë periapikale ose në degëzime;
• Mundësia e restaurimit të dhëmbit me një kurorë në çelik të paoksidueshëm.

Rezultate
Normat e suksesit klinik dhe radiografik, pas 2 vjetësh follow-up, kanë qenë me 100% për grupin e MTA dhe 89.4% për grupin e Biodentine. Ndryshimi ndërmjet grupeve në normat e suksesit nuk ishte statistikisht i rëndësishëm (p=0,646).

Konkluzione
Meqë Biodentine dhe MTA nuk kanë treguar ndonjë diferencë statistikisht të rëndësishme në normat e suksesit kur aplikohen në kufijtë kanalarë gjatë procedurave të pulpotomisë autorët kanë dalë në përfundimin se koha më e shkurtër e forcimit dhe manipulimi i lehtë e bëjnë Biodentine më të preferueshme se MTA.

Megjithatë, janë të nevojshme studime klinike me periudha më të gjata follow-up - i përpara se të përkufizohet çdo rekomandim përfundimtar.

Rëndësia klinike
Ashtu siç është pranuar dhe afirmuar, një ind me karies që rrethon pjesën e ekspozimit pulpar nënkupton kontaminimin dhe inflamacionin e grupit enë gjaku-nerv dhe rezulton në një prognozë të pasigurt dhe të paparashikueshme që lidhet me trajtimin e dhëmbëve.

Duke përdorur MTA dhe Biodentine pritet që ato të transformojnë procesin inflamator në një proces shërimi falë përmbajtjes së tyre me silikat trikalciumi dhe vetive të tyre të ndërveprimit biologjik.

Për më tepër:
Çelik BN, Mutluay MS, Arýkan V et al. The evaluation of MTA and Biodentine as a pulpotomy materials for carious exposures in primary teeth. Clin Oral Invest 2019;23(2):661-6.

Përktheu: Valbona Spahia