Kariesi te fëmijët dhe adoleshentët. Ja, si mund të parandalohet

Një përmbledhje sistematike e botuar në JAMA Network ka analizuar strategjitë parandaluese që lidhen me shëndetin oral dhe në veçanti kariesin dentar te të rinjtë 5-17 vjeç, dhe ka arritur në përfundimin se xheli dhe suplementet përmbajtje fluori, por edhe llaku dhe izoluesit me fluor ndihmojnë në uljen e rrezikut për zhvillimin e kariesit dentar dhe përmirësojnë shëndetin oral.

"Fëmijët dhe adoleshentët janë më vunerabël ndaj problemeve të shëndetit oral që shpesh shkaktohen nga kariesi dentar për shkak të baktereve që ngjiten në dhëmbë të cilat metabolizojnë sheqernat për të prodhuar acid, i cili me kalimin e kohës demineralizon strukturën e dhëmbëve duke shkaktuar shqetësim dhe dhimbje", tregon autori kryesor i studimit Roger Chou nga Universiteti i Shëndetit dhe Shkencës në Oregon në Portland, duke shpjeguar se studimi u krye për t'i dhënë Task Forcës së Shërbimeve Parandaluese të Shteteve të Bashkuara (USPSTF) informacion dhe rekomandime të dobishme për zbatimin e strategjive dentare te fëmijët dhe adoleshentët. Për këtë qëllim, kërkuesit morën në konsideratë tre databaza të të dhënave mjekësore (MEDLINE, Cochrane Database of Systematic Reviews dhe Cochrane Central Register of Controlled Trials) duke përzgjedhur studimet e skriningut dentar të kryera në mjediset e kujdesit parësor pa pasur nevojë për një specialist dentar. U përfshinë gjithashtu edhe ndërhyrjet parandaluese si këshillimi i sjelljes, referimet klinike dhe mjekimet/trajtimet parandaluese që nuk kërkonin miratim mjekësor. Tre rishikime sistematike, ndër të cilët 54 studime nga 53 botime (20,648 pjesëmarrës) dhe 23 punime individuale (15,026 pjesëmarrës) plotësuan kriteret e përfshirjes dhe metaanaliza e të dhënave tregoi se suplementet e fluorit, veçanërisht në rajonet me ujë të pa fluorizuar, kanë status të ulët socio-ekonomik ose ngarkesa e rëndë e kariesit, shkaktojnë probleme të vogla dentare. Edhe pse, rezultatet më të mira në lidhje me vijnë nga xheli, llaku dhe izoluesit me përmbajtje fluori të përshkruara nga dentisti, me sealantët në krye të renditjes së efektivitetit.

"Megjithëse të dhënat e ekzaminuara nuk janë të mjaftueshme për të arritur në konkluzione të qëndrueshme, ndërhyrjet që përfshijnë përdorimin e suplementeve të fluorit, xhelit, llakut dhe izoluese janë të gjitha të lidhura, megjithëse në një masë të ndryshueshme, me një përmirësim të shëndetit oral dhe një reduktim të rrezikut të zhvillimit të kariesit dentar te fëmijët dhe adoleshentët", përfundon Chou.

JAMA 2023. Doi: 10.1001/jama.2023.20435

http://doi.org/10.1001/jama.2023.20435