Humbja premature e dhëmbëve të qumështit: shkaqet dhe pasojat

Nga Alessandra Abbà

Karieset dentare janë të përhapur dhe paraqesin një problem të vërtetë për shëndetin oral edhe te fëmijët me moshë parashkollore dhe ato të shkollave fillore. Kariesi është një sëmundje që prek indet e forta të dhëmbit dhe është shkaktuar nga proceset e demineralizimit të sipërfaqeve dentare.

Patologjia karioze e patrajtuar te dhëmbët e qumështit prek 9% të popullsisë botërore dhe është shkaku primar i humbjes premature të dhëmbëve gjatë fëmijërisë.

Tipologjia e kërkimit dhe modaliteti i analizës
Një studim i publikuar në Mjekësi, në 2019, ka analizuar këtë fenomen si faktor risku për humbjen e hapësirës në sektorët posteriorë.

Studimi transversal krahasues (split-mouth) është kryer në 17 fëmijë të një shkolle publike në një komunitet të Hidalgo-s, në Meksikë. Mosha mesatare ishte 6,82 vjeç dhe individët meshkuj përfaqësonin 64,7%. Është kryer një ekzaminim objektiv për të identifikuar fëmijët me humbje unilaterale të dhëmbëve, karies interproksimal (dhëmbët D dhe/ose E) dhe pa këtë gjendje kontrolaterale.

Është marrë një gjurmë në alginat për të gjithë fëmijët e grupit. Variabla vartëse ishte diferenca (humbja e hapësirës, mm) ndërmjet pjesës së kontrollit dhe pjesës së studimit.

Variablat e pavarura ishin të tipit patologjik (karies interproksimal ose humbje e dhëmbëve), seksi, mosha, harkada e përfshirë dhe numri i sipërfaqeve interproksimale të prekura.

Variablat e pavarura janë llogaritur në modelin e shkumësit siç përshkruhet në vijim. Janë gjeneruar dy matje duke përdorur tre skenarë të mundshëm, siç paraqiten më poshtë.

Matjet e pjesës së studimit:
• 1. Për fëmijët te të cilët është prekur dhëmbi D është matur distanca nga pika distale e C dhe meziale e E.
• 2. Për fëmijët te të cilët është prekur dhëmbi E është matur distanca nga pika distale e D deri te pika meziale e gjashtës (molari i parë permanent).
• 3. Për fëmijët te të cilët ishin prekur dhëmbët D dhe E janë matur distancat nga pika distale e C dhe distanca nga pika meziale e gjashtës (molari i parë permanent).

Të njëjtat matje janë kryer edhe në pjesën e kontrollit. Diferenca ndërmjet matjeve ka qenë pjesa e kontrollit-pjesa e studimit.

Rezultate
Është gjetur një prevalencë e kariesit interproksimal me 88,2% (mesatarja me 2,23± 1,15 sipërfaqe të prekura) me një prevalencë prej 11,8% të humbjes së dhëmbëve, 52,9% të rasteve në harkadën inferiore. Humbja mesatare e hapësirës ka qenë me 1,09 ± 0,18 mm (kontrolli vs studimi; P<.001).

Ata që kanë pësuar humbjen e dhëmbëve kanë treguar një humbje të hapësirës më të madhe në krahasim me individët me karies interproksimal (P=.0119). Ndërmjet variablave të humbjes së hapësirës dhe numrit të sipërfaqeve interproksimale të prekura është vënë re një lidhje (r: 0,5712; P - 0166).

Konkluzione
Patologjia karioze interproksimale dhe humbja premature e dhëmbëve të qumështit përbëjnë faktorët e riskut për humbjen e hapësirës në zonën posteriore.

Për më shumë informacione:
Lucas-Rincón SE, Robles-Bermeo NL, Lara-Carrillo E, Scougall-Vilchis RJ, Pontigo-Loyola AP et al. Interproximal caries and premature tooth loss in primary dentition as risk factors for loss of space in the posterior sector. Medicine 2019 Mar;98(11):e14875.

Përktheu: Valbona Spahia