Si të reduktojmë dhimbjen dhe sëmundshmërinë post-operative te fëmijët pas ekstraksioneve me anestezi gjenerale

Nga Lara Figini

Shpesh te fëmijët ekstraksionet e shumë dhëmbëve të qumështit që janë me karies kërkojnë kryerjen e procedurës nën anestezi gjenerale (GA), kryesisht për motive që lidhen me menaxhimin e pacientit të vogël.

Ky lloj trajtimi mund të provokojë sëmundshmëri fizike dhe psikologjike, duke shkaktuar ankth, të qara, dhimbje dhe trauma psikologjike (makthe, kujtime të këqija, depresion).

Tipologjia e kërkimit dhe modaliteti i analizës
Në një studim të publikuar në British Dental Journal në tetor 2019, autorët kanë hetuar dhimbjen post-operative të fëmijëve, sëmundshmërinë, kënaqjen e familjarëve gjatë dhe pas ekstraksioneve në fushën dentare.

Në College Hospital, Londër, autorët kanë marrë të dhënat nga 143 fëmijë rreth dhimbjes që vetë-referuar, duke përdorur Faces Pain Scale-Revised (FPS-R), pre dhe post-operative dhe pas një jave nëpërmjet një interviste telefonike, siç përmendet nga prindërit/kujdestarët e fëmijës.

Prindërve të pacientit të vogël i është kërkuar, për më tepër që të plotësojnë një pyetësor për sjelljen e fëmijës në spital dhe për kënaqësinë e tyre nga trajtimi.

Rezultate
Fëmijët e analizuar në studim, kishin një moshë mesatare 6 vjeç dhe kanë pasur të paktën 7 ekstraksione secili. Në rastet në të cilat është administruar Fentanil me rrugë intravenoze (IV) (n=69), i vetëm (n=11) ose në kombinim me paracetamolin (n=58) fëmijët kanë treguar një probabilitet 0,17 herë më të lartë që nuk kanë pasur dhimbje post-operative në krahasim me ata që kanë marrë vetëm paracetamol (regresioni logjistik, p=0,006).

Pas një jave 99% e familjeve kanë deklaruar se janë të kënaqur nga shërbimi dhe 11% referonte se fëmija i tyre kishte probleme post-operative.

Konkluzione
Nga të dhënat e nxjerra nga ky studim, që duhet të konfirmohen me punime të tjera analoge, mund të dalim në përfundimin se tre të katërtat e fëmijëve referojnë dhimbje pas ekstraksioneve të dhëmbëve të qumështit me anestezi gjenerale (GA).

Administrimi i paracetamolit dhe fentanil me rrugë intravenoze redukton dhimbjen post-operative.

Implikime klinike
Në rastet kur mjeku duhet të kryejë ekstraksione dentare të shumta te pacientët në moshë pediatrike administrimi i paracetamolit dhe fentanilit me rrugë intravenoze ndihmon në reduktimin e dhimbjes post-operative.

Për më tepër: Areej Ali Alohali, Nourah Al-Rubaian, Chrysoula Tatsi, Sanjeev Sood, Marie Therese Hosey. Post-operative pain and morbidity in children who have tooth extractions under general anaesthesia: a service evaluation. British Dental J 2019;227(8):713-8.

Përktheu: Valbona Spahia