Efikasiteti i pyetësorëve motivues në parandalimin e kariesit fillestar infantil

Në një kërkim të JAMA, janë vlerësuar provat shkencore të efikasitetit të pyetësorëve/intervistave motivuese për reduktimin klinik të kariesit në fëmijërinë e hershme

Nga Lara Figini

Parandalimi i kariesit infantil është gjithmonë një sfidë e vështirë për stomatologun dhe konsiston kryesisht në edukimin e prindërve për ruajtjen e shëndetit oral të fëmijëve të tyre, por në shumë raste problematika primare është bindja e pacientëve dhe prindërve të tyre në mënyrë të qëndrueshme.
Kërkimi në fakt nuk mbështet efikasitetin që të ofrojë vetë instruksione ose informacione për prindërit që të reduktojnë fillimin e kariesit të hershëm te fëmijët (ECC). Vetëm instruksionet duket se nuk janë efikase ose sidoqoftë nuk janë të mjaftueshme për të ndryshuar zakonet e tyre.
Një strategji konsulence e orientuar drejt pacientit me qëllimin që binden për modifikimin e zakoneve të veta, që ndihmon personat për të eksploruar dhe zgjidhur ambivalencën e tyre drejt ndryshimit, mund të jetë intervista ose pyetësori motivues (MI).
Ky trajtim është aplikuar me sukses në shumë fusha ndërmjet të cilave çrregullimet nga përdorimi i drogërave, duhanpirja, ushqime dhe varësia nga barnat: por është gjithashtu efikas në fushën stomatologjike për të parandaluar kariesin?

Tipologjia e kërkimit dhe modaliteti i analizës
Në një rishikim, të publikuar nga JADA në shtator 2020, autorët kanë vlerësuar provat shkencore të efikasitetit të pyetësorëve/intervistave motivuese për reduktimin klinik të kariesit të fëmijërisë së hershme në krahasim me edukimin tradicional rreth shëndetit dentar.
Autorët e punimit kanë kanë kryer një kërkim bibliografik nëpërmjet databazave më të mëdha (Scopus, Cochrane, PubMed ed Embase) të artikujve në gjuhën angleze sipas një strategjie kërkimi të vendosur më parë. Studimet mundësisht të pranueshme kanë përfshirë vlerësimin klinik të normës së kariesit te fëmijët, prindërit e të cilëve kanë plotësuar pyetësorët motivues si ndërhyrje. Autorët kanë vlerësuar riskun e bias duke përdorur instrumentin Cochrane risk-of-bias.

Rezultate
Nga 329 artikuj të rekuperuar fillimisht, 14 kanë rezultuar të përshtatshëm për përfshirjen në rishikimin sistematik dhe 3 kanë kontribuar në meta-analizë. Për analizën statistikore diferenca mesatare e të dhënave të vazhdueshme është analizuar me një interval besimi 95% duke përdorur modelin me efekte rastësore.

Konkluzione
Nga të dhënat e nxjerra nga kjo meta-analizë, që duhet të konfirmohen me rishikime të tjera analoge, mund të dalim në përfundimin se këto pyetësore motivues janë efikasë po aq sa edukimi tradicional për shëndetin dentar në kontrollin e kariesit të fëmijërisë së hershme.

Implikime klinike
Nënvizohet ngushtësia e studimeve të përfshira në këtë meta-analizë dhe që janë të nevojshme më shumë ndërhyrje të projektuara mirë për të vlerësuar me kujdes impaktin e pyetësorëve motivues mbi parandalimin e kariesit të fëmijërisë së hershme.

Për më shumë informacione:
Faghihian R, Faghihian E, Kazemi A, Tarrahi MJ, Zakizade M. Impact of motivational interviewing on early childhood caries: a systematic review and meta-analysis. J Am Dent Assoc 2020 Sep;151(9):650-9.

Përktheu: Valbona Spahia