Dhëmbëzimi i qumështit

Nga Massimo Gagliani

Dhëmbëzimi i qumështit, ose ndryshe dhëmbët e qumështit, quhen kështu për ngjyrën e tyre të bardhë dhe sepse ato rriten kur foshnja është ende në fazën e shkëputjes nga qumështi, ka një rëndësi të madhe në zhvillimin e kockave të nofullës. Nuk duhet në asnjë mënyre të neglizhohet pasi mirëmbajtja e dhëmbëve të shëndetshëm të qumështit është elementi i parë për evolucionin e një goje të shëndetshme.

Kur ndodh dhëmbëzimi i qumështit

Nëse marrim parasysh gjashtë muajt e parë të jetës, dhëmbi i parë del nga gjashtë muaj deri në një vit, shpesh i shoqëruar me dhimbje të mishit të dhëmbëve, ndryshueshmëria e daljes përsëritet disa herë në dhëmbët e përhershëm. Me fjalë të tjera, atyre që dhëmbët e qumështit i dalin vonë, edhe nderrrimet e tyre do ti bëhen në një kohë më të vonë. Mbyllja e arritur me dhëmbë qumështi shpesh pasqyron mbylljen e dhëmbëve të përhershëm, prandaj, në moshën tre, katër vjeç është e mundur të interpretohet çdo malokluzion.

Shëndeti i dhëmbëve të qumështit

Një element tjetër për t'u marrë parasysh në dhëmbëzimin e qumështit është gjendja e tyre shëndetësore, shpesh kaviteti midis dhëmbëve, në dhëmbët e qumështit është një shenjë e rrezikut të lartë të sëmundjes edhe në dhëmbëzimet e përhershme. Rekomandohet gjithmonë një kontroll i datajuar, ndoshta edhe me radiograme të vogla në rast situatash të dyshimta.

Dhëmbëzimi i qumështit dhe dhëmbët e përhershëm

Një diskutim i veçantë meriton shkëmbimi, ose lirimi i dhëmbëve të përhershëm. Edhe këtu ndryshueshmëria është shumë e lartë, femrat janë më të hershme se meshkujt dhe një kontroll vjetor i gjendjes së transformimit të harqeve dentare duhet të konsiderohet një kusht i domosdoshëm.