Ushqyerja me gji mbron nga keqformimi dentar

Ushqyerja e foshjes me gji deri në gjashtë muajt e parë të jetës për të parandaluar sëmundjet infantile është efikase edhe në parandalimin e keqformimit dentar. Në këtë përfundim ka arritur një studim i publikuar në Pediatrics, me autore kryesore Karen Glazer Peres (University of Adelaide). Dihet se ushqyerja me gji ka një efekt mbrojtës kundrejt shumë sëmundjeve", thotë studiuesja, duke rikujtuar se faktet e disponueshme deri tani flasin për gjashtë muajt e parë të jetës së foshnjës.

"Efekti i ushqimit ekskluziv me gji është një metodë e cila ndalon ushqyerjen me lloje të tjera lëngjesh si ujë dhe çaj veç qumështit të nënës mbi keqformimin e dhëmbëve nuk është ende i qartë", thonë autorja duke hedhur hipotezën se ushqimi ekskluziv me gji mund të ketë një efekt më të madh mbi formimin e dhëmbëve në krahasim me ushqyerjen standarde për shkak të mos përdorimit të biberonit.

Për të qartësuar këtë temë, kërkuesit kanë seleksionuar një grup prej 1303 fëmijësh të cilët janë vëzhguar deri në moshën 5 vjeç duke regjistruar llojin e ushqimit me gji nga lindja deri në 3, 12, dhe 24 muaj. Të dhënat janë krahasohuar me praninë ose jo të keqformimit të dhëmbëve, për kavitete dhe mjekime odontoiatrike. "Ushqyerja me gji lidhet me një përhapje më të ulët për keqformime, por përdorimi I biberonit e ndryshon këtë lidhje", vazhdon më tej Glazer Peres, duke theksuar se foshnjat e ushqyera ekskluzivisht me gji deri në 6 muajsh kishin një mundësi më të vogël për keqformim në krahasim me ata të cilët nuk ishin ushqyer kurrë me gji.

Nga këto rezultate ka rezultuar se efekti mbrojtës i ushqyerjes me gji mbi keqformimin dentar anulohet nga përdorimi i biberonit", thotë autorja duke dalë në përfundimin se një strategji efikase për të përmirësuar shëndetin oral mund të jetë ajo e inkurajimit të punonjësve mjekësorë në këshillimin e përfitimeve të mundshme të lidhura me ushqyerjen me gji dhe risqet e lidhura me përdorimin e shpeshtë të biberonit.