Pasojat klinike të çrregullimeve të gjumit te fëmijët

Sipas një studimi të publikuar në "European Journal of Pediatric Dentistry", gërhitja dhe apnea obstruktive e gjumit (OSA) janë të shpeshta edhe te fëmijët, me një prevalencë 27% dhe 5,7% respektivisht. Këto çrregullime të gjumit mund të lidhen me hipertrofinë adeno-tonsilare, alergjitë e rrugëve të sipërme ajrore, obezitetin dhe anomalitë dento-skeletike.

Pasojat klinike të çrregullimeve të gjumit te fëmijët janë përgjumja dhe çrregullimet konjitive, por edhe çrregullimet në sjellje gjatë ditës me rezultat shpërqendrimin në shkollë. Pasoja të tjera mund të jenë ndryshime në rritjen kranio-faciale, influencë negative në shëndetin e përgjithshëm dhe në zhvillimin e fëmijës. Ndaj apnea obstruktive e gjumit konsiderohet si një sindromë neuro-komportamentale. Studime të shumta në literaturë kanë konsoliduar tashmë lidhjen ndërmjet obezitetit dhe çrregullimeve të gjumit që lidhen me respirimin në moshë pediatrike, si edhe komorbitetin ndërmjet OSA dhe bruksizmit nokturn.

Një shkaktar i rëndësishëm i OSA-së është rezistenca më e madhe e rrugëve të sipërme ajrore, që mund të vijë për shkak të pranisë së një qiellze të kontraktuar dhe mandibulë të vogël ose të retropozicionuar, hipertrofi adeno-tonsilare dhe ose një kombinim i atyre që u përmendën më lart. Të gjithë këto faktorë mund të identifikohen dhe trajtohen nga dentisti, në bashkëpunim me otorinolaringologun dhe pediatrin.

Pedodontistët kanë një rol të rëndësishëm në diagnozën e çrregullimeve të gjumit që lidhen me respirimin nëpërmjet vlerësimit të faktorëve predispozues skeletikë, veçanërisht në rastin e maksilës së kontraktuar dhe mandibulës së vogël dhe/ose të retropozicionuar. Trajtimi dentar dhe ortodontik, së bashku me vizitën te një otorinolaringolog dhe duke kontrolluar peshën trupore është në gjendje të zgjidhë problemin respirator dhe pasojat e mundshme klinike.