A kanë lidhje parodontopatia, peri-implantiti dhe cigaret elektronike me njëra-tjetrën?

Parodontopatia është sëmundje inflamatore kronike me etiologji bakteriale, e cila prek dhe shkatërron vazhdimisht indet që mbajnë dhëmbët dhe shkaktojnë humbje të...

A kanë lidhje parodontopatia, peri-implantiti dhe cigaret elektronike me njëra-tjetrën?

A është e vërtetë që cigaret elektronike janë më pak të dëmshme se ato tradicionalet? Ja, përgjigjja e një studimi italian.

Parodontopatia është sëmundje inflamatore kronike me etiologji bakteriale, e cila prek dhe shkatërron vazhdimisht indet që mbajnë dhëmbët dhe shkaktojnë humbje të kockave dhe dhëmbëve. Peri-implantiti është patologji me bazë inflamacioni, i cili prek mishrat e buta që rrethojnë implantin endokockor dhe shkakton humbje të vazhdueshme të kockës peri-implantare deri në shkatërrimin e implantit.

Sëmundjet periodontale dhe ato peri-implantare shfaqen më shpesh në moshë madhore dhe janë gjetur në një sërë çrregullimesh inflamatore sistemike, të tilla si: çrregullimet kardiovaskulare dhe pulmonare, diabeti, obeziteti, lindja e parakohshme, sëmundja e Alzheimerit dhe tumoret malinje, beninje dhe të forta.

Edhe pse partodontopatia dhe peri-implantiti janë infeksione bakteriale, që zhvillojnë pllakën dentare, patogjenet e dyshuara parodontale, mosha e individit në momentin e shfaqjes së sëmundjes, ashpërsia e parodontopatisë dhe shpejtësia e zhvillimit, ndikohen të gjitha në mënyrë vendimtare nga faktorët sistemikë të njohur, duke përfshirë çrregullimet inflamatore (sidomos diabetin dhe neoplazitë), si edhe zakonet e pashëndetshme, në veçanti tymosja.

Cigaret elektronike (E-Cig) janë prezantuar rreth 20 vite më parë (në SHBA në vitin 2006), dhe që prej vitit 2014, janë kthyer në produktin më të përhapur te të rinjtë e moshave 18-25 vjeç, por edhe te të rriturit, si një alternativë tjetër, e ndryshme nga cigaret tradicionale dhe si ndihmë për të lënë duhanin. Të ngjashme janë edhe produktet "nxehje-jo-djegie" (HNB), të cilat po kthehen në trend botëror.

Studimi italian, i publikuar në Dentistry Journal donte të vlerësonte dhe të bënte dallimin midis efekteve të cigareve tradicionale, të duhanit "nxehje-jo-djegie" dhe të cigareve elektronike mbi gjendjen e shëndetit parodontal dhe peri-implantar.

Protokolli i studimit u zhvillua në bazë të udhëzimeve të Mjeteve të Preferuara të Raportimit për Studimet dhe Metaanalizat Sistematike (PRISMA). Çështja e studimit u formulua sipas strategjisë: Popullsi, Ndërhyrje, Kontroll ose Krahasim, Rezultat (PICO):
•P (Popullsi): duhanpirësit;
•I (Ndërhyrje): cigaret elektronike dhe sistemet e duhanit "nxehje-jo-djegie";
•C (Përballje): jo duhanpirësit, ish-duhanpirësit e cigareve tradicionale;
•O (Rezultat): parametrat klinikë, radiografikë dhe inflamatorë të indit parodontal dhe peri-implantar.

PubMed/MEDLINE dhe libraria COCHRANE kryen një kërkim bibliografik në të cilin u përfshinë vetëm artikujt në gjuhën angleze, të publikuar nga data 1 janar 20023 (kur u prezantua cigarja elektronike) deri më 24 prill 2022. Pyetja klinike në formatin "PICO" ishte: A ekziston një ndryshim domethënës në parametrat klinikë, radiografikë dhe inflamatorë të indeve parodontale dhe peri-implantare të përdoruesve të cigareve elektronike dhe duhanit "nxehje-jo-djegie", krahasuar me përdoruesit e cigareve tradicionale dhe jo duhanpirësit? 41 artikuj u konsideruan të qenësishëm dhe u kryen testet e plota. Pas vlerësimit të testit të plotë sipas kritereve të përzgjedhjes, u përjashtuan 23 studime, veçanërisht sepse: 11 prej tyre nuk përshkruajnë parametra klinikë/radiografikë dhe as profil citokimik; 2 kishin studiuar ekskluzivisht lidhjen ndërmjet cigareve elektronike dhe mikrobiomës orale dhe 1, lidhjen ndërmjet cigareve elektronike dhe alkoolit; 2 studime përfshinë ish-duhanpirësit, të cilët kanë filluar të përdorin cigare elektronike; 1 studim vlerësoi efektin e terapisë fotodinamike antimikrobiale (aDPT) te konsumuesit e cigareve elektronike; dhe 6 artikuj ishin rishikime sistematike të literaturës.
Rezultatet mbështesin me kujdes hipotezën se cigaret elektronike mund të shkaktojnë zbutje të shenjave inflamatore klinike të parodontopative dhe, hipotetikisht edhe të peri-implantitit, krahasuar me konsumin e duhanit konvencional. Megjithatë, si cigaret elektronike, ashtu edhe duhani "nxehje-jo-djegie", të konsideruara si produkte alternative tymosjeje me përmbajtje nikotine, mund të kenë efekte negative mbi shëndetin parodontal dhe peri-implantar, siç tregohet in vitro nga efektet toksike të zbuluara në nivel qelizor.

Për më tepër, një kuptim më i thellë i ekzistencës dhe shtrirjes së efektit të supozuar të ushtruar nga produktet e duhanit E-Cigs dhe HNB në shkallën e progresionit të periodontopative, siç vlerësohet tashmë për përdorimin tradicional të duhanit, mund të drejtojë planifikimin optimal të seancave aktive të trajtimit periodontal dhe, mbi të gjitha, të intervaleve të rikujtimit të fazës së mirëmbajtjes.

Për më tepër:
Periodontal and Peri-Implant Health Status in Traditional vs. Heat-Not-Burn Tobacco and Electronic Cigarettes Smokers: A Systematic Review - F D'Ambrosio, S Martina, M Pisano, A Amato, A Iandolo, M Caggiano