Miratohet ligji për ushqimet e pashëndetshme

Në nëntor të vitit 2023, Kolumbia ka miratuar një ligj për ushqimet e pashëndetshme, duke u bërë një nga vendet e para që takson ushqimet shumë...

Në nëntor të vitit 2023, Kolumbia ka miratuar një ligj për ushqimet e pashëndetshme, duke u bërë një nga vendet e para që takson ushqimet shumë të përpunuara.

Kjo është një temë që diskutohet prej vitesh, nëpërmjet së cilës vlerësohet mundësia për të caktuar një taksë ndaj ushqimeve që mund të cenojnë shëndetin, duke filluar që nga pijet me sheqer dhe përdorimi i tepërt i këtij të fundit.

Zgjedhja e Kolumbisë po arrin në një konsensus ndërkombëtar të ekspertëve të shëndetit publik, të cilët mendojnë se ky është një hap i rëndësishëm drejt zgjidhjes së shumë problemeve shëndetësore, përfshirë edhe sëmundjet orale.

Kjo zgjidhje ofron rekomandime mbi përdorimin e sheqerit duke nxitur dietën e ekuilibruar për ruajtjen e gjendjes së ushqyerjes dhe asaj shëndetësore në bazë të grupmoshës dhe gjinisë.

Një risi e rëndësishme e parashikuar nga kjo normativë e re lidhet me sistemin e etiketimit, e cila parashikon "paralajmërim frontal": kështu konsumatorët mund të identifikojnë me lehtësi paralajmërimet që lidhen me përmbajtjen e lartë të kripës/natriumit, sheqernave të shtuara dhe yndyrave të ngopura në paketimet e ushqimeve të transformuara. Kjo u jep individëve mundësinë të ndërmarrin vendime të informuara dhe të ndërgjegjshme rreth zgjedhjeve të tyre ushqimore.

Lista e ushqimeve shumë të përpunuara është shumë e gjatë: salçiçet, proshuta, keçapi, ushqimet e konservuara, ëmbëlsirat, kompostot, pijet alkoolike dhe ato me sheqer, patatinat, produktet e skuqura, biskotat, akulloret, çokollata, karamelet, marmelatat, produktet e gatshme për konsum, fast food-et si picat, hamburgerët, hot-dogët, etj.

Federata Kolumbiane e Stomatologjisë, anëtare e Federatës Botërore të Stomatologjisë, në bashkëpunim me këtë të fundit, po angazhohet në mënyrë aktive në promovimin e këtij ligji, me qëllim shtimin e ndërgjegjësimit rreth efekteve të dëmshme që kanë ushqimet e pashëndetshme mbi shëndet.