Patologjitë orale nga marrja e barnave për trajtimin e psoriazës

Psoriaza është një çrregullim kompleks dhe shumëfaktorial me përfshirje sistemike dhe patogjenezë autoinflamatore. Lezionet psoriatike nuk ndjekin një përparim të...

Psoriaza është një çrregullim kompleks dhe shumëfaktorial me përfshirje sistemike dhe patogjenezë autoinflamatore.

Lezionet psoriatike nuk ndjekin një përparim të parashikueshëm dhe shfaqen kryesisht në formë keiliti këndor dhe me fisurë dhe lezionesh gjeografike të gjuhës.

Shumë studime të publikuara në literaturë mbështesin faktin se psoriaza përbën edhe një faktor rreziku për periodontit dhe gingivit.
Terapia aktuale sistemtike bazohet në barnat antireumatike modifikuese të sëmundjes (DMADR) dhe preparatet biologjike që sjellin zhdukjen e plotë ose të pjesshme të manifestimeve psoriatike kutane, duke përmirësuar edhe cilësinë e jetës.

Preparatet biologjike klasifikohen në bazë të objektivit të tyre në anti-TNF-α, anti-IL17 dhe anti-IL23. Gjithashtu, për terapinë orale të sëmundjes psoriatike është i disponueshëm edhe një inhibitor i enzimës fosfodiesterazë E4 (PDE4).

Efektet e mundshme në shëndetin oral të DMADR dhe të barnave biologjike për trajtimin e psoriazës sistemike janë nëvlerësuar dhe raportuar si raste sporadike në literaturë, por njihen dhe analizohen më mirë.

Tipologjia e kërkimit dhe metoda e analizës
Në një analizë narrative të literaturës, të publikuar në Dermatology Practical & Conceptual, autorët analizuan nëse kishte ndonjë lidhje ndërmjet barnave antipsoriatike dhe shfaqjes së sëmundjeve orale, duke ilustruar një sërë rastesh aktuale të pacientëve që kanë zhvilluar sëmundje orale gjatë terapisë sistemike kundër psoriazës.

Rezultatet
Efektet anësore orale gjatë terapive farmakologjike psoriatike mund të konstatohen në raste sporadike. Individët që kanë marrë barna antipsoriatike, si brodalumabi, secukinumabi, apo iksekizumabi kanë sjellë respektivisht 4%, 1.7%, ose 3.3% rrezik për zhvillim të infeksionit të Candidas.

Lokalizimet më të shpeshta të infeksionit me Candida ishin orale dhe gjenitale të lehta-mesatare. Njohja e faktorëve predispozues (kushtet mjekësore, një histori e mëparshme e përsëritjes së kandidiazës orale, etj.) dhe të vepruarit sipas tyre mund të zvogëlojë rrezikun. Janë raportuar edhe raste të një forme të rëndë të kandidiazës, ajo mukokutane, me manifestime klinike atipike, për të cilat diagnoza diferenciale me leukoplaki, lichen planus oral ose reaksione lichenoid jospecifike, nuk është e lehtë dhe kërkon procedura të tjera diagnostikuese, përfshirë biopsinë.
Deri më sot, nuk është raportuar asnjë ADR orale te pacientët gjatë trajtimit me terapi biologjike anti-IL-23 (guselkumab, tildrakizumab, risankizumab) si dhe me preparate me molekula të vogla (apremilast).

Përfundimet
Të gjithë pacientët psoriatikë, kandidatë për terapi sistemike konvencionale ose biologjike, përveç kontrolleve të rregullta te dermatologu, duhet t'u nënshtrohen edhe kontrolleve të vazhdueshme të shëndetit oral te dentisti për të parandaluar komplikimet orale.

Ndërlikimet klinike
Dermatologët dhe specialistët oralë duhet të jenë të përgatitur për të njohur dhe menaxhuar çështjen e një numri në rritje të efekteve anësore të barnave orale gjatë trajtimeve sistematike për sëmundjen psoriatike, në mënyrë që t'u japin pacientëve informacion të mjaftueshëm rreth këtij rreziku dhe të theksojnë rëndësinë e kryerjes së kontrolleve të rregullta dentare, si dhe të mbahet një higjienë e mirë orale.