Trajtimet e fytyrës: acidi hialuronik, apo botoksi?

Fillerat me acid hialuronik, apo me injeksione botoksi janë ndër trajtimet më të përhapura për shkak të kapacitetit të tyre në largimin e rrudhave dhe shenjave të plakjes, duke dhënë...

Fillerat me acid hialuronik, apo me injeksione botoksi janë ndër trajtimet më të përhapura për shkak të kapacitetit të tyre në largimin e rrudhave dhe shenjave të plakjes, duke dhënë rezultate të dukshme në një kohë të shkurtër. Fillerat me acid hialuronik dhe injeksionet e botoksit, të cilat ngatërrohen shpesh me njëra-tjetrën, në të vërtetë kanë mekanizma veprimi të ndryshme dhe janë efikase për tipologji rrudhash dhe inestetizmash të ndryshme.

Acidi hialuronik është një substancë natyrale që hidraton indet dhe reduktohet me moshën. Fillerat me acid hialuronik rikthejnë humbjet e volumit dhe "rimbushin" gropëzat e krijuara nga lëkurë.

Botoksi është një substancë e prodhuar nga një bakter që ndërpret përkohësisht çlirimin e acetilkolinës, duke reduktuar aktivitetin kontraktues të muskujve dhe duke shkaktuar tendosje të rrudhave.

"Të dyja trajtimet reagojnë në mënyra të ndryshme. Filleri rimbush rrudhat, zmadhon dhe rimodelon buzët, ndërsa botoksi tendos rrudhat. Acidi hialuronik është një substancë e pranishme në mënyrë natyrale në organizëm, ndërsa toksina botulinike është një substancë e jashtme", shpjegon mjeku i kirurgjisë plastike dhe rikonstruktive, dr. Matteo Marino.

Fillerat me acid hialuronik janë efikasë në trajtimin e tipologjive të ndryshme të rrudhave dhe inestetizmave, ndërsa botoksi është i përshtatshëm për rrudhat e krijuara nga muskujt e valëzuar.

Të dyja trajtimet konsistojnë në injeksione, me seanca që zgjasin 15-30 minuta. Përfitimet e fillerave me acid hialuronik janë menjëherë të dukshme dhe zgjasin për rreth 8-10 muaj, ndërsa efikasiteti i toksinës botulinike fillon t'i japë rezultatet e para pas një jave dhe zgjat për rreth 3-4 muaj.

Ndërsa, përsa i përket kundërindikimeve, sipas dr. Marino nuk ka probleme në lidhje me acidin hialuronik, ndërsa trajtimi me toksinë botulinike, nuk këshillohet për individët që janë alergjikë ndaj albuminës dhe për pacientet shtatzëna dhe në gjidhënie.