Objektivat: Vlerësimi i përhapjes së plagëve të qafës së dhëmbit jo nga kariesi (Non-Carious Cervical Lesions, NCCL) në një pjesë të popullsisë duke lidhur praninë e zakoneve të higjenës orale, ushqyerjes, me patologji të mundshme kronike dhe/ose lokale dhe të vendosi nëse restaurimet konservative të Kategorisë V kanë pasoja tek kushtet periodontale e dhëmbëvë të individit.

Materiale dhe metoda: Rekrutimi, sipas kritereve specifike të përfshirjes dhe përjashtimit, të 10 pacientëve duke përfshirë grup moshën 36 - 56 vjeç me plagë në qafën e dhëmbit. Dhëmbët e prekur nga NCCL janë hetuar fillimisht në raport me treguesit periodontal (thellësia e xhepit apo Periodontal Probing Depth, PPD; tregues i gjakosjes ose Bleeding On Probing Depth BOP; tregues i pllakave ose Plaque Index, PI; Ndjeshmëria e dhëmbëve). Dhëmbët janë ndarë më pas në mënyrë rastësore në grupin e testit dhe grupin e kontrollit (pamja split-mouth). Dhëmbët e grupit të testit i janë nënshtruar restaurimeve të qafës së dhëmbit me kompozitë rezine. Asnjë trajtim nuk është kryer tek ata të grupit të kontrollit. Pas 6 muajsh treguesit periodontal janë verifikuar sërish. Rezultatet e marra i janë nënshtruar analizave statistike.

Rezultate: NCCL-të kanë rezultuar kryesisht të lidhura me teknikat e gabuara të higjenës orale në shtëpi dhe në masë më të vogël edhe prania e parafunksioneve. Gjashtë muaj pas trajtimit konservativ të plagëve, në testimin t të Student për kampionet e çiftëzuara: (a) PPD-ja është zvogëluar në mënyrë të konsiderueshme, siç u supozua, në grupin e testit (p më e vogël/e barabartë 0,001) por jo tek grupi i kontrollit ku, në mungesë të trajtimit, dallohet një përkeqësim (p më e vogël/e barabartë 0,009); (b) BOP - ja zvogëlohet në mënyrë të konsiderueshme, siç u supozua, në grupin e testit (p më e vogël 0,001) dhe është rritur tek grupi i kontrollit (testi i Wilcoxon: Z= -2,03; p më e vogël 0,043); përveç kësaj edhe diferenca tek BOP - ja ndërmjet grupit të testit dhe atij të kontrollit, është vërtetuar gjithmonë pas gjashtë muajve nga trajtimi, ka rezultuar, siç është supozuar, statistikisht e rëndësishme (p më e vogël/ e barabartë 0,006). Në mënyrë të papritur (c) PI - ja është zvogëluar në mënyrë të konsiderueshme qoftë në grupin e testit (p më e vogël/e barabartë 0,012) qoftë në grupin e kontrollit (p më e vogël/ e barabartë 0,017). Në fund, gjithmonë siç është supozuar, (d) 6 muaj pas trajtimit janë vërejtur qoftë një përmirësim i Ndjeshmërisë së dhëmbëve në anën test (Wilcoxon: Z= -2,59; p më e vogël/e barabartë 0,016) qoftë një përmirësim në anën test në krahasim me anën e kontrollit (Wilcoxon: Z= -2,59; p më e vogël/e barabartë 0,001).

Konkluzione: në bazë të rezultateve të marra nga ky studim paraprak (një test klinik i rastësishëm me mostra të reduktuara), restaurimi konservativ i dhëmbëve të prekur nga NCCL duket se do të përmirësonte shëndetin periodontal të vetë dhëmbëve, sidomos përsa i përket gjakosjes. Testime të fundit klinike të rastësishme të kontrolluara janë të nevojshme për të provuar rezultatet paraprake që u sollën.

Klikoni këtu për të lexuar versionin original.