Flora bakteriale orale tek individët e shëndetshëm në krahasim me atë tek individët e prekur nga parodontiti dhe kariesi

Ashtu siç sugjeron literatura (Bik 2010; Nasidze 2009; Segata 2012) profili bakterial, domethënë prania e llojeve të caktuara bakteriale dhe mbizotërimi i disa llojeve bakteriale në krahasim me të tjerat

Lara Figini

Ashtu siç sugjeron literatura (Bik 2010; Nasidze 2009; Segata 2012) profili bakterial, domethënë prania e llojeve të caktuara bakteriale dhe mbizotërimi i disa llojeve bakteriale në krahasim me të tjerat, te pështyma e individëve të shëndetshëm duket se është e lidhur ngushtë dhe e kushtëzuar nga profili bakterial i pranishëm në nivelin e fytit, bajameve dhe pjesës së sipërme të gjuhës.
Studimet e bëra kanë treguar së fundmi se profilet bakteriale të mostrave të përshtymës së stimuluar të individëve me parodontit ose karies të dhëmbëve ndryshojnë shumë nga ato që janë marrë nga pacientët që nuk i kanë këto sëmundje dhe kanë gjendje të mirë të shëndetit oral.
Për të treguar atë që thamë është një studim i publikuar në Journal of Oral Microbiology 2015 nga Belstrom dhe bashkëpunëtorët e tij, ku analizohen të dhënat që vijnë nga një numër total prej 129 personash të prekur nga parodontiti dhe janë krahasuar me të dhëna që vijnë nga 164 individë të prekur nga kariesi i dhëmbëve. Përveç kësaj është treguar se duhanpirja përcakton një incidencë të thellë te profilet e mikrobeve (Belstrom 2014), autorët kanë kryer edhe një analizë krahasuese duke ndarë të dhënat e individëve jo duhanpirës nga ata duhanpirës (parodontiti n = 98, kariesi i dhëmbëve n = 139). Në këtë studim autorët kanë kryer një ekzaminim parodontal në dy grupe të zgjedhura rastësisht (njëri grup për nofullën e sipërme e tjetri për nofullën e poshtme), përveç pjesës së dhëmballëve të treta, duke regjistrua pozicionin e margjinës së gingivave, thellësinë e hetimit dhe treguesin e gjakosjes në gjashtë pjesët e secilit dhëmb. Parodontiti është përcaktuar si i tillë kur ka prani të:
- gjakosjes gjatë hetimit (BOP) në ≥25% e pjesëve të hetuara,
- të paktën dy dhëmbë në nivel sulmi klinik ≥4 mm,
- të paktën dy dhëmbë me thellësi hetimi ≥6 mm.
Autorët më pas kanë përcaktuar se ka prani të kariesit të dhëmbëve kurdo që ka prani të lezioneve karioze të patrajtuara në të paktën tre sipërfaqe të dhëmbit. Nuk janë përjashtuar të dhënat që vijnë nga individë që ishin të prekur qoftë nga parodontiti qoftë nga kariesi i dhëmbëve, më pas nga mostrat e pështymës janë gjetur lloje bakteriale, janë kryer procedurat e laboratorit me izolimin e ADN - së dhe më pas me hibridizimin ADN - ADN nëpërmjet Human Oral Microbe Identification Microarray (HOMIM).

Rezultatet e marra janë si më poshtë:
Analiza krahasuese midis grupit me parodontit dhe atij me karies ka vënë në dukje një moshë mesatare në mënyrë të konsiderueshme më të madhe (58,8 vjeç) te grupi me parodontit në krahasi me grupin me karies dentar (50,1 vjeç; p<0,0001). Përveç kësaj, grupi me parodontit kishte tendencën për të përfshirë një përqindje më të madhe të duhanpirësve të rregullt (24%) në krahasim me grupin me karies dentar (15%; p=0,06).
Janë hetuar 13 lloje bakteriale në të cilat 12 (tetë taksone dhe katër grupime) ishin të pranishme në mënyrë të konsiderueshme më shpesh dhe me nivele në mënyrë të konsiderueshme më të larta (vlera mesatare HOMIM) te mostrat që vijnë nga individët e prekur nga parodontiti në krahasim me mostrat që vijnë nga individët e prekur nga kariesi.
Streptokoku salivarius ka qënë i vetmi lloj bakterieje që është zbuluar në mënyrë të konsiderueshme më shpesh dhe me nivele shumë të larta, te mostrat e individëve me karies dentar.
Autorët kanë vënë re edhe që, në fakt, dy agjentë të caktuar parodontal patogjen të supozuar, Parvimonas micra dhe Tannerella forsythia, kanë rezultuar të jenë më së shumti të pranishëm tek individët me parodontit në krahasim me mostrat e individëve me karies. Këto rezultate janë në linjë me studime të tjera që kanë treguar që llojet P. Micra, T. forsythia, micronuciformis megasphaera, veillonella parvula, dhe Leptotrichia ishin më së shumti të pranishme në pjesët e prekura nga lezionet parodontale lokale në krahasim me pjesët e shëndetshme (Colombo 2009 dhe 2012).
Profilet bakteriale tek individët me parodontit dhe tek individët me karies kanë rezultuar të jenë të pranishëm pavarësisht nga gjendja e duhanpirësit. Kjo sugjeron që impakti i shkallës së sëmundjes orale te profilet bakteriale të pështymës mund të jetë më e rëndësishme se gjendja e duhanpirësit.
Vetëm në mënyrë sporadike autorët e këtij studimi kanë identifikuar në mostrat e pështymës agjentë patogjen parodontal dhe baktere kariogjene si Porphyromonas gingivalis, actinomycetemcomitans Aggregatibacter dhe Streptokoku mutans dhe këto të dhëna bien në kundërshtim me studimet e tjera të mëparshme si ai i Paju 2009 dhe Kononem 2007, në të cilat në fakt prania e P. gingivalis, A. Actinomycetemcomitans dhe baktereve të tjera te mostrat e pështymës rezultonte të ishte i lidhur ngushtë me parodontitin dhe S. Mutans në pështymë paraqeste një biomarker të kariesit nga fëmijëria. Një shpjegim i mundshëm i këtyre rezultateve kundërshtuese mund të ishte që këto organizma të ishin në mënyrë efektive të pranishëm te mostrat e Belstrom por në sasi nën limitin e zbulimeve HOMIM.

Nën kujdesin e: Lara Figini, Koordinatore Shkencore e Odontoiatria33

Bibliografia:
- Bik EM, Long CD, Armitage GC, Loomer P, Emerson J, Mongodin EF, et al. Bacterial diversity in the oral cavity of 10 healthy individuals. ISME J. 2010;4:962-74.
- Nasidze I, Li J, Quinque D, Tang K, Stoneking M. Global diversity in the human salivary microbiome. Genome Res. 2009;19:636-43.
- Segata N, Haake SK, Mannon P, Lemon KP, Waldron L, Gevers D, et al. Composition of the adult digestive tract bacterial microbiome based on seven mouth surfaces, tonsils, throat and stool samples. Genome Biol. 2012;13:R42.
- Belstrom D, Holmstrup P, Nielsen CH, Kirkby N, Twetman S, Heitmann BL, et al. Bacterial profiles of saliva in relation to diet, lifestyle factors, and socioeconomic status. J Oral Microbiol. 2014
- Colombo AP, Boches SK, Cotton SL, Goodson JM, Kent R, Haffajee AD, et al. Comparisons of subgingival microbial profiles of refractory periodontitis, severe periodontitis, and periodontal health using the human oral microbe identification microarray. J Periodontol. 2009;80:1421-32
- Colombo AP, Bennet S, Cotton SL, Goodson JM, Kent R, Haffajee AD, et al. Impact of periodontal therapy on the subgingival microbiota of severe periodontitis: comparison between good responders and "Refractory" subjects by the Human Oral Microbe Identification Microarray (HOMIM) J Periodontol. 2012;83:1279-87.
- Paju S, Pussinen PJ, Suominen-Taipale L, Hyvonen M, Knuuttila M, Kononen E. Detection of multiple pathogenic species in saliva is associated with periodontal infection in adults. J Clin Microbiol. 2009;47:235-8.
- Kononen E, Paju S, Pussinen PJ, Hyvönen M, Di Tella P, Suominen-Taipale L, et al. Population-based study of salivary carriage of periodontal pathogens in adults. J Clin Microbiol. 2007;45:2446-51.
- Differentiation of salivary bacterial profiles of subjects with periodontitis and dental caries Daniel Belstrøm, Nils-Erik Fiehn, Claus H. Nielsen, Vanja Klepac-Ceraj, Bruce J. Paster, Svante Twetman, e Palle Holmstrup. J Oral Microbiol. 2015; 7

Përktheu: Valbona Spahia