Shtatzënia, ushqyerja me gji dhe barnat e përdorur në stomatologji. Nga ADA vijnë zgjedhjet që duhet të bëjë dentisti në dhënien e recetave

Mjekësia ka bërë shumë hapa përpara në studimin e dëmeve që i shkaktohen fetusit nga ekspozimi ndaj barnave gjatë shtatzënisë.

Mjekësia ka bërë shumë hapa përpara në studimin e dëmeve që i shkaktohen fetusit nga ekspozimi ndaj barnave gjatë shtatzënisë. Pavarësisht kësaj, marrja e barnave gjatë shtatzënisë vazhdon të shkaktojë ankth qoftë te njerëzit e thjeshtë qoftë te mjekët.
Kjo është ajo që mbështesin dy studiuesit amerikanë M. Donaldson dhe JH. Goodchild te revista JAMA organ i America Dental Association. Shumë vëmendje i është kushtuar dy situatave: terapive kronike në veprim dhe marrjes së barnave në mënyrë të pavetëdijshme nga ana e nënës së ardhshme.
Përsa i përket ushqyerjes me gji, Donaldson dhe Goodchild theksojnë se shpresh mjekët këshillojnë të ndërpritet kurdo që fillohet një terapi farmakologjike, edhe në prani të substancave që konsiderohen të sigurta.
Kur merret në konsideratë dhënia e një recete gjatë shtatzënisë, dentisti duhet gjithmonë të peshojë rrezikun për fetusin kundrejt përfitimeve për nënën dhe zgjedhja e duhur duhet të bazohet mbi dëshmi shkencore. Ushqyerja me gji paraqet edhe një sfidë klinike, rreziqet dhe përfitimet që duhet të përfshihen qoftë nga pacientët qoftë nga mjeku përpara ndërprerjes ose vendosjes së një terapie farmakologjike.
Si përfundim dentistët duhet të njohin rreziqet dhe përfitimet e pesë kategorive të barnave: analgjezikë dhe anti-inflamator, antibiotikë, anestezi lokale, qetësues dhe barna emergjence. Këshilla është që të njihen mirë ato që përdoren në rutinën e përditshme dhe të bashkëpunohet në mënyrë të ngushtë me mjekun në rastin e terapive kronike më komplekse.

Nën kujdesin e : Davis Cussotto, stomatolog Twitter @DavisCussotto

Përktheu: Valbona Spahia