Mbështetja e toksinës botulinium në trajtimet e kafshimit të thellë: çfarë thonë studimet

Lara Figini

Toksina botulinium është një neurotoksinë e fuqishme bakteriale e prodhuar në mënyrë të natyrshme nga Clostridium botulinum që mund të shkaktojë paralizë të muskujve, atrofi dhe dobësi.
Janë identifikuar shtatë serotipe të dalluar botulinium: tip A, B, C1, D, E, F dhe G.

Midis shtatë neurotoksinave botulinium, ajo e tipit A (BTXA) është përdorur gjerësisht në trajtimin e shumë çrregullimeve neuromuskulore, si spazma distonike, spazma e qepallave, spazma tetanosi, dridhje, lëndimet sportive dhe spazma të muskujve temporo - mandibular.

Nëse toksina botulinium injektohet te një muskul i shtrirë, kryen një efekt paralizimi duke frenuar lëshimin e acetilkolinës nga mbaresat e fijeve nervore kolinergjike në kryqëzimet neuromuskulore, me pasojë dobësinë dhe atrofinë e fibrave muskulore lokale. Ja përse gjen aplikime klinike për trajtimin e sëmundjeve të shkaktuara nga kontraktimi i tepërt i muskujve.

Në gnatologji për shembull është parë nga studimet e kryera in vitro te kafshët që neurotoksina BTXA e injektuar te muskuli masseter çon në një reduktim të aktivitetit të muskulit dhe në doza më të mëdha të toksinës së injektuar i korrespondon një depresion më i madh i aktivitetit muskulor.
Për këtë argument është folur gjerësisht në numrin e nëntorit 2015 të revistës Ortodontics and Craniofacial Research. Autorët kanë marrë në konsideratë pesëdhjetë e dy minj Wistar meshkuj, me moshë: 70 ditësh dhe i kanë ndarë në mënyrë rastësore në katër grupe.
Grupi 1: të cilëve i është menaxhuar intramuskuli në muskulin e djathtë masseter 7,5 U i BTXA (0,3 ml),
Grupi 2: të cilëve i është menaxhuar intramuskuli 5,0 U në muskulin e djathtë masseter
Grupi 3: të cilëve i është menaxhuar intramuskuli 2,5 U në muskulin e djathtë masseter
Grupi 4: ose grupi i kontrollit që nuk ka marrë injektime të BTXA.
Një elektrodë është implantuar për të regjistruar aktivitetin muskulor të muskulit masseter te minjtë. Një javë më pas minjtë janë ushqyer çdo dy orë dhe më pas janë regjistruar sinjalet elektromiografike (EMG) gjatë orës së parë. Të gjithë sinjalet janë regjistruar për 12 javë dhe janë analizuar me një llogaritje statike.

Rezultatet e arritura nga autorët kanë qenë si më poshtë:
Pas injektimit të neurotoksinës BTXA aktiviteti i muskulit masseter është zvogëluar me 99% gjatë javës së parë dhe gradualisht është regjistruar një rikuperim i aktivitetit muskulor nga java e tretë te Grupet 1 - 3. Në javën e 12, aktiviteti muskulor është rikuperuar nga 41% e Grupit 1 dhe 2 dhe nga 56,26% në Grupin 3. Asnjë ndryshim i rëndësishëm i aktivitetit të muskujve nuk është vëzhguar te Grupi 4 (grupi i kontrollit).
Nga studimet e kërkimit in vitro te kafshët është parë që injeksioni i toksinës botulinium tip A mund të çaktivizojë transmetimin e sinjaleve të acetilkolinës dhe nëse përdoret në muskulin masseter mund të reduktojë funksionet muskulore të tij, duke rritur kështu efikasitetin e trajtimit të korrigjimit të kafshimit të thellë dhe në të njëjtën kohë të përmirësojë formën branchyphalic të fytyrës. Por duhet që të kushtojmë shumë vëmendje për dozat e injektuara, sepse dozave më të mëdha të toksinës së injektuar i korrespondon një depresion më i madh i aktivitetit muskulor. Përveç kësaj studime të tjera duhet të kryhen për të hetuar nëse injektimi i BTXA mund të shkaktojë atrofi muskulore të përhershme.

Nën kujdesin e: Lara Figini, Koordinatore Shkencore e Odontoiatria33

Bibliografia:
Changes of masseter muscle activity following injection of botulinum toxin type A in adult rats. Tsai CY, Lei YY, Yang LY, Chiu WC. Orthod Craniofac Res. 2015 Nov;18(4):202-11

Përktheu: Valbona Spahia