Anestetikë lokalë dhe hipoplazia e dhëmbëve të përhershëm. Një studim anglez supozon lidhjet

Davis Cussotto

Disa forma të hipoplazisë së dhëmbëve të përhershëm duket se lidhen me përdorimin e anestetikëve lokalë në fëmijëri dhe adoleshencë.
Këtë e kanë mbështetur një grup studiuesish kinezë dhe britanikë te Cell Death Discovery, të cilët drejtoheshin nga Bing Hu i Plymouth University (UK) që kanë vënë në dukje sesi molekulat e anestetikëve lokalë janë akoma të pranishëm në brendësi të pulpës së dhëmbëve të përhershëm disa orë pas marrjes së tyre dhe kjo do të reduktonte nivelet e një enzime që zhvillon një rol të rëndësishëm në replikimin qelizor.

Proceset fiziologjike të apoptozës (=vdekja qelizore e programuar) në këtë rast do të zëvendësoheshin nga mekanizma të autophagy.
"E dinim prej kohësh që ekzistonte një lidhje midis anestetikëve lokalë dhe hipoplazive, domethënë deficiti i zhvillimit, prania e vakuolave dhe papjekurisë së pulpës që më herët mund të përfshihet në nekrozë.
Të dhënat e vetme që kishim në dispozicion" - pohon Hu - "ishin ato që janë ofruar nga depot farmaceutike. Studimi është kryer te mandibola e një derri dhe te kulturat e qelizave njerëzore in vitro duke testuar Artikainën, Mepivakainën, Lidokainën dhe Ksilokainën."

Studimi ka vënë në dukje që autophagy e kryer në pulpën e dhëmbit nga anestetiku është doza dhe koha nga varet; qelizat e pulpës janë në gjendje të përshtaten por dozat e larta dhe ekspozimi për një kohë të gjatë ndaj ilaçit i dha fund mekanizmit dhe mbrojtjes dhe gjenerojnë një vuajtje të pakthyeshme të pulpës së dhëmbit.

Nën kujdesin e: Davis Cussotto, stomatolog

Përktheu: Valbona Spahia