Lezion ulceroz i fshehur në buzën e poshtme

G. Mergoni, M. Manfredi, M. Meleti, L. Corcione, E. Merigo, R. Guidotti, A. Sarraj, T. Simonazzi, P. Vescovi

Rasti klinik

Prezantimi i rastit
Në klinikë paraqitet një zotëri me moshë 73 vjeçare. I thirrur nga mjeku i tij për shkak të një lezioni të buzës së poshtme që i është zbuluar rreth një vit më parë. Pacienti, me profesion fermer, referon se ka një shëndet të mirë, e ka lënë duhanin rreth 15 vjet më parë dhe pi gjysmë gote verë në çdo vakt. Nga anamneza mjekësore e pacientit rezulton se mjekohet për hipertension arterial dhe thotë se në të shkuarën ka hequr një karcinomë të qelizave bazë që ju krijua nën lëkurën e hundës. Me trashjen e lezionit, të përmasave me rreth 1 cm, shfaqej si një gërryerje në mes të buzës së poshtme që shfaqej si ulcerë në disa pika dhe e fshehur në disa të tjera (Fig. 1). Gjatë prekjes nuk zbuloheshin pjesë të forta. Pacienti nuk referonte për simptoma të veçanta përveç një ndjesie të lehtë djegieje dhe bezdie. Përdorimi i gjalpit të kakaos, kremrave me veti qetësuese dhe antimykotik nuk kishin çuar në një përmirësim klinik. Pacienti, përveç kësaj, nuk referonte përparime ose traumatizma të fundit në zonë.

Diagnoza dhe trajtimi
Prania e lezionit prej të paktën një viti, lokalizimi në buzën e poshtme, aspekti ulceroz i fshehur, ekspozimi për një kohë të gjatë ndaj përbërësve ultra-vjollcë të dritës së diellit për arsye profesionale janë të gjitha karakteristika kliniko-anamnestike koherente me diagnozën e inflamacionit fotokimik ose keratosis diellore. Për të konfirmuar dyshim diagnostikues dhe për të përjashtuar praninë enjë karcinome është vendosur të kryhet një biopsi duke e prerë lezionin. Ekzaminimi histologjik ka evidentuar hiperplazi të epitelit skuamoz me keratinizim të ndryshuar, infiltrim inflamator kronik dhe elastozë të indit lidhor përreth (fig.2). Kuadri histopatologjik paraqet aspekte të displazisë së moderuar dhe ishte koherent me adresimin diagnostikues të inflamacionit fotokimik.
Kjo gjendje vërehej kryesisht te personat e moshuar si pasojë e ekspozimit për një kohë të gjatë në diell (fermerë, marinarë) dhe prek kryesisht buzën e poshtme. Aspekti që dallon më shumë patologjinë është norma e transformimit malinj, që sipas pjesës së të madhe të autorëve përfshin nga 6% deri në 10%. Trajtimet e propozuar përfshinin kirurgjinë (amputim me laser CO2 etj) aplikime ditore të barnave citostatik (5 - fluorouracil) dhe një qasje më konservative të llojit "wait and see" me vizita kontrolli periodike dhe afër njëra me tjetrën. Nga marrëveshja me pacientin ishte kryer një heqje konservative e lezionit, me vizita pasuese kontrolli çdo 3 - 4 muaj. Përveç kësaj është këshilluar përdorimi i kremrave me filtra mbrojtëse ndaj diellit për të parandaluar dëmtime të tjera të indeve, duke qenë se pacienti ishte shumë i ndjeshëm nga rrezeve diellore ultra-vjollcë, e treguar edhe nga karcinoma e mëparshme e qelizave bazë që ishte krijuar në lëkurën e hundës. Aktualisht pacienti nuk ka asnjë sëmundje dhe shenjat nga ndërhyrja ishin minimale në një zonë që është shumë e rëndësishme nga ana funksionale dhe estetike (fig. 3).

Përktheu: Valbona Spahia