Profilaksia e antibiotikëve te pacientët me zemër

Në disa raste mjekët dhe dentistët rekomandojnë që pacienti të marrë antibiotikë përpara disa procedurave dentare. Kjo quhet "profilaksia e antibiotikëve. Por përse personeli shëndetësor e sugjeron këtë hap?
Të gjithë ne kemi në gojë baktere dhe një numër i trajtimeve dentare - edhe rutina e ditës si përtypja e çamçakëzit, larja e dhëmbëve me furçë ose pastrimi me fill dentar - mund të lejojnë bakteret që të hyjnë në sistemin e qarkullimit të gjakut (bakteremia). Për shumë prej nesh, ky nuk është një problem. Një sistem imunitar i shëndetshëm parandalon këto baktere që të shkaktojnë dëmtime. Megjithatë, ekziston shqetësimi, se te disa njerëz bakteremia mund të shkaktojë infeksion diku tjetër në trup.
Por kush është në rrezik? Profilaksia e antibiotikëve rekomandohet për një numër të vogël njerëzish të cilët kanë gjendje të veçanta të zemrës. Shoqata Amerikane e Zemrës ka dhënë udhëzime identifikuese për njerëzit që duhet të marrin antibiotikë përpara trajtimeve dentare.

Sipas këtyre udhëzimeve, profilaksia e antibiotikëve duhet të merret në konsideratë për personat me:
• Valvula artificiale të zemrës.
• Një histori e një infeksioni në konturet e zemrës ose të valvulave të zemrës i njohur si endokarditi infektiv, një infeksion i pazakontë, por i rrezikshëm për jetën.
• Transplant i zemrës në të cilin ka një problem në njërën nga valvulat e zemrës.
• Gjendjet e zemrës që janë të pranishme që nga lindja: si janë:
- Sëmundje cyanotic të pariparueshme që janë sëmundje të lindura të zemrës, duke përfshirë personat me devijime paliative dhe të kanaleve të zemrës.
- Defekte të riparueshme me një material proteze ose pajisje - e vendosur me operacion ose me ndërhyrje të kateterit - gjatë gjashtë mujorit të parë pas riparimit.
- Rastet në të cilat një defekt në zemër është riparuar, por ka mbetur një defekt ende dhe qëndron te pjesa ku është kryer ndërhyrja ose në pjesët afër me pjesën e protezës ose proteza mund të përdoret për riparim.

Ndaj dhe është mirë të konsultoheni me pacientët për të kuptuar nëse ai vuan nga ndonjë nga gjendjet e përshkruara më sipër përpara se te jepni një terapi antibiotike.

Përktheu: Valbona Spahia