Lidhja midis patologjive respiratore dhe gjakrrjedhjes gingivale

Studime të ndryshme në literaturë kanë gjetur një lidhje midis parodontitit dhe patologjive bronkopulmonare obstruktive kronike BPCO[Si 2012, Zhou 2014]. Nuk njihet akoma nëse shëndeti oral dhe patologjitë astmatike kanë të njëjtin korrelacion. Ka akoma të dhëna që sugjerojnë se inhalacionet për astmën dhe frymëmarrjen me gojë hapur mund të sjellin një reduktim të prodhimit të pështymës, ndryshime të pH në zgavrën e gojës dhe shtim të riskut për karies.
Në një studim të fundit të publikuar në "PLoS One" të janarit 2016, autorët kanë hetuar lidhjen midis gjakrrjedhjes së gingivave dhe astmës, simptomave të saj dhe BPCO, duke u përpjekur të kuptojnë se çfarë roli kishin tymi, barnat për astmë, higjiena dentare dhe refluksi gastroesofageal (GERD)
U dërgua një pyetësor nëpërmjet postës i cili përmbante pyetje mbi shëndetin respirator dhe oral të pacientëve, mbi gjakrrjedhjen e gingivave gjatë fazave të larjes së dhëmbëve, moshën, tymin, nivelin e arsimit, qytetin, seksin, masën trupore, sëmundjet e mundshme kardio-metabolike, refluksin e mundshëm gastroezofageal, veprimet ditore të higjienës dentare, bllokimin e hundëve dhe barnat e mundshëm të marrë për astmën. Ky pyetësor ju dërgua disa kampioneve të popullsisë në shtatë qendra të Evropës Veriore dhe i janë përgjigjur 13.409 persona.

Nga rezultatet e përftuara nga pyetësorët, autorët kanë mundur të konstatojnë se gjakrrjedhja e gingivave ishte e pranishme rrallë ose fare në 76% dhe 83% të popullsisë së studiuar dhe që ka referuar se i lan dhëmbët dy herë në ditë. Prevalenca e gjakrrjedhjes së gingivave është parë se luhatej ndjeshëm nga zonat e studiuara. Prevalenca e simptomave të astmës ≥3 varionte midis qendrave nga 10% në 19%. Gjakrrjedhja e gingivave rezultoi të ishte e zakonshme në personat me nivel më të ulët arsimimi, drejtpërdrejt proporcional me rritjen e indeksit të masës trupore dhe më e lartë tek individët e prekur nga sëmundjet kardio-metabolike. Gjakrrjedhja e gingivave ka rezultuar të jetë më e shpeshtë kryesisht te personat që i lajnë më rrallë dhëmbët dhe te personat e sëmurë me refluks gastroezofageal.
Gjakrrjedhja e gingivave ka rezultuar të jetë statistikisht në mënyrë domethënëse e lidhur me astmën.

Lidhjet e vëzhguara janë shfaqur në mënyrë të ndjeshme më të rëndësishme te duhanpirësit e rregullt.
Nga ky studim del në pah një lidhje koherente midis gjakrrjedhjes së gingivave dhe sëmundjes obstruktive të rrugëve të frymëmarrjes dhe mund edhe të hipotetizohet se bakteret patogjene orale mund të ketë efekt jo favorizues në rrugët e frymëmarrjes, me shumë mundësi për vazhdimin direkt të mukozës së zgavrës së gojës dhe të rrugëve të frymëmarrjes.

Nën kujdesin e: Lara Figini, Koordinatore Shkencore e Odontaiatria33.

Bibliografia:

- Si Y, Fan H, Song Y, Zhou X, Zhang J, Wang Z. Association between periodontitis and chronic obstructive pulmonary disease in a Chinese population. J Periodontol. 2012;83(10):1288

- Zhou X, Han J, Liu Z, Song Y, Wang Z, Sun Z. Effects of periodontal treatment on lung function and exacerbation frequency in patients with chronic obstructive pulmonary disease and chronic periodontitis: a 2-year pilot randomized controlled trial. J Clin Periodontol. 2014;41(6):564-72

- The Association of Gum Bleeding with Respiratory Health in a Population Based Study from Northern Europe. Gómez Real F, Pérez Barrionuevo L, Franklin K, Lindberg E, Bertelsen RJ, Benediktsdóttir B, Forsberg B, Gislason T, Jögi R, Johannessen A, Omenaas E, Saure E, Schlünssen V, Skorge TD, Torén K, Pérez Saavedra A, Svanes Ø, Åstrøm AN, Janson C, Svanes C.
PLoS One. 2016 Jan 25;11(1)

Përktheu: Erjola Taga