Një pasqyrim i plotë mbi trajtimin jo kirurgjikal të perimplantitit dhe parodontitit

"Speciale Parodontologia" publikuar në Mars 2016 në Dental Cadmos, "E shkuara, e tashmja dhe e ardhmja e koadjuvantëve lokalë dhe sistemikë në trajtimin jo kirurgjikal të perimplantitit dhe parodontitit: indikacione dhe limite", lind nga bashkëpunimi i Autorëve të ndryshëm, ekspertë të fushës që propozojnë një përditësim për të gjithë fushën e trajtimit të dy patologjive që hasen shumë shpesh në praktikën klinike.

Përgjatë viteve janë propozuar protokolle të ndryshëm terapish parodontale jo kirurgjikale nga instrumentet manuale të Scaling dhe Root Planning (SRP) me kuadrante në më aktualin Full Mouth Instumentation (FMI) të kombinuara ose jo me terapinë sistemike me antibiotikë.
Zgjedhja e protokollit terapeutik më të përshtatshëm bazohet në një diagnozë të duhur bazuar në një analizë të kujdesshme të të dhënave klinike, radiografive dhe anamnezës.

Një rishikim gjithëpërfshirës i provave shkencore nxjerr në pah indikacionet dhe mbi të gjitha limitet e koadjuvantëve lokalë të propozuar dhe testuar sot, në veçanti antimikrobikët, terapia foto-dinamike, aplikimi i lazerit Er:YAG e koadjuvantët kimikë. Për sa i përket terapisë sistemike me antibiotikë theksohet se indikacioni është limituar te pacientët e prekur nga parodontiti i rëndë apo agresiv, në fakt vetëm duke evituar abuzimin e përshkrimeve është e mundur të reduktojmë zhvillimin e baktereve rezistente.
Një hapësirë e gjerë i është dedikuar përdorimit të antibiotikëve që duke i aplikuar lokalisht në zona/xhepa parodontal dhe/apo perimplantar, përfaqësojnë një strategji të mëtejshme terapeutike duke forcuar trajtimin mekanik si alternativë e terapisë sistemike me antibiotikë.

Për sa i përket principit aktiv barnat më të studiuara janë tetraciklinat (tetraciklina klohidrat apo HCL, doksiciklina dhe monociklina) dhe metronidazoli, por gjithashtu i rëndësishëm është dhe ekscipienti apo mbartësi i aftë të garantojë cilësitë farmakokinetike.
Gjatë viteve janë zhvilluar mbartës me kinetika lëshimi të ndryshme, produktet e zhvilluara dallohen në ata me çlirim të ngadaltë apo të përmbajtur (slow-release apo sustained-release) dhe ata me çlirim të kontrolluar (controlled-release). Doksiciklina hiklat 14% (Ligosan®) mbushet nga një mbartës i biodegradueshëm që lejon çlirimin e ngadaltë dhe të kontrolluar, falë këtij mban MIC (Minimum Inhibiting Concentration) efikas për 12 ditë dhe ka prodhuar rezultate pozitive në fushën perimplantare.

Sinteza nën kujdesin e: Anna maria Melica, Këshilltare Shkencore Dental Cadmos

Përktheu: Erjola Taga