Stomatit dhe afte: shkaqet dhe kurat. Vlerëso sa i informuar je rreth argumentit

Stomatiti aftoz është një proces inflamator i pjesëve të buta të zgavrës së gojës i karakterizuar nga formimi i plagëve të vogla ulceroze, të përcaktuara afte, në gingiva, qiellzë, gjuhë dhe në sipërfaqet e brendshme të faqeve dhe buzëve.

Shkaqet
Mund të varet nga higjiena e dobët orale, nga përdorimi i aparateve protetike dentare, nga mikrotraumat në brendësi të gojës (kafshimet etj.) dhe nga rënia e mbrojtjeve imunitare. Ndër faktorët e riskut janë identifikuar edhe mungesa e folateve, e vitaminës B12 dhe e hekurit, stresi, infeksione të tjera bashkëvepruese, ndryshimet hormonale që lidhen me ciklin menstrual, radio dhe kimioterapia. Gjithashtu mund të lidhet edhe me celiakinë, sëmundjen e Crohn dhe patologji të tjera me natyrë auto-imune.

Prezantimi dhe simptomat
Aftet mund të jenë të përmasave të ndryshme, të izoluara apo grumbull, në formë rrethore apo vezake, të veshura me një aureolë në ngjyrë të verdhë në të bardhë dhe rozë në qendër. Simptomat tipike janë djegie, dhimbje akute dhe bezdi, sidomos gjatë marrjes së ushqimit dhe përdorimit të furçës së dhëmbëve, halitosis, prodhim i tepërt i pështymës. I ngjashëm në pamje, stomatiti aftoz nuk duhet të ngatërrohet me "temperaturën" e buzëve (stomatit herpetik) mbështetur nga Herpes simpleks. Flluskat herpetike, që rriten jashtë gojës, në sipërfaqen e buzëve, në flegrat e hundës janë ngjitëse, stomatoti aftoz jo.

Terapia
Dhe në mungesë të trajtimit, dhimbja shumë e fortë tenton të lehtësohet për disa ditë dhe lezionet shërohen për dy javë. Mbi afte mund të jetë i dobishëm aplikimi i një xheli mbrojtës me bazë lidokaine për të mpirë dhimbjen dhe të bëni shpëlarje me një shpëlarës goje me bazë klorheksidinë. Në disa raste këshillohet përdorimi i kotrikosteroidëve në nivel lokal duke bërë kujdes që shkopin e vogël që ka prekur aften mos ta zhysni në shishen e ilaçit. Te të rriturit, në rast përsëritje, përdoret suspensioni oral i tetraciklinës që mbahet në gojë dhe nuk gëlltitet.

Përktheu: Erjola Taga