Kujdes ndaj efekteve anësore të barnave

Një paciente 28 vjeçare, me anamnezë patologjike negative për çrregullime sistemike dhe pa asnjë alergji të deklaruar, ka raportuar një kuadër pankreatiti akut me distancë prej 3 orësh nga marrja e një terapie kundra dhimbjeve me bazë paracetamol 500 mg dhe kodeinë 30 mg, të përshkruar në vijim të shkëputjes së elementit 4.8. Pas shtrimit në spital me urgjencë, kuadri u zgjidh pa asnjë komplikim tjetër të qëndrueshëm.
Puna e A.Rossi dhe al. "Pankreatiti Akut sekondar me administrim të Paracetamolit dhe Kodeinës pas trajtimit stomatologjik. Analiza e literaturës dhe rasti klinik" (Dental Cadmos 6/2016) nëpërmjet analizës së rastit të sapo përshkruar merr në shqyrtim komplikimet kryesore që lidhem me këto dy barna të përdorur si principe analgjezike në stomatologji.

Megjithatë merren në shqyrtim aspektet diagnostikuese, terapeutike dhe parashikuese relative ndaj pankreatitit akut.
Pankreatiti akut është një sëmundje inflamatore e pankreasit ekzokrin e karakterizuar nga një model patogjenetik i përcaktuar "teoria e autotretjes pankreatike."
Simptoma thelbësore përfaqësohet nga një dhimbje barku që kalon dhe në kurriz, lokalizuar në zonën epigastrike dhe periumbilikale, e shtrirë përgjatë hipokondrisë së djathtë dhe më rrallë përgjatë hipondrisë së majtë, përgjithësisht duke shkuar drejt kurrizit dhe toraksit. Shfaqet me intensitet të ndryshueshëm nga i lehtë/i tolerueshëm në të fortë, me therje dhe i vazhdueshëm. Megjithatë hasen emesis të rëndësishme, të përziera dhe fryrje barku, që lidhen me hipomobilitetin gastrointestinal dhe peritonitin kimik.

Nga të dhënat e grumbulluara, Autorët dëshmojnë se si pankreatiti iatrogjen nga paracetamoli dhe/apo kodeina, përbën një mundësi potencialisht të mundshme në çdo pacient, edhe në mungesë të patologjive në ngarkim të zonës pankreatike dhe hepato-biliare. Megjithatë një komplikim i tillë duket se zhvillohet më shpesh me marrjen e kodeinës nga pacienti me anamnezë pozitive për ndërhyrjen e kolecistektomisë.
Pavarësisht indeksit të lartë terapeutik, të përshkruar në literaturë, të paracetamolit dhe të kodeinës si kundër dhimbjes, rasti i prezantuar nënvizon rëndësinë për të kryer një vlerësim anamnestik preliminar, duke informuar pacientin për reaksionet e mundshme negative me natyrë alergjike apo idiosinkretike në vijim të përdorimit të barnave të marra për herë të parë apo në mënyrë sporadike.

Sinteza e punës nën kujdesin e: Ana Maria melica, Konsulente Shkencore Dental Cados

Përktheu: Erjola Taga