Rriten përshkrimet e antibiotikëve nga ana e dentistëve

Nga 1996 deri më 2013, përdorimi kompleksiv i antibiotikëve për përdorim njerëzor është ulur. Një nga sistemet për vlerësimin e përhapjes së tyre i referohet dy njësive: DDD (Defined daily dose), një masë standarde internacionale e përcaktuar në 2009 që tregon dozën mesatare në ditë për udhëzimet kryesore të përdorimit të një medikamenti dhe DID që i referohet DDD për 1000 banor për ditë. DID ka kaluar nga një vlerë prej 18,24 në 1996 në 15,91 në 2013 dhe përshkrimet e antibiotikëve të kryera nga mjekët janë ulur nga 18,2% në 17,25% në 14,11 DID.

Paralelisht janë shtuar në 62,2% përshkrimet e dentistëve nga 0,98 në 1,59 DID, sidomos për të trajtuar pacientët e moshuar. Të dhënat i janë referuar British Columbia një nga provincat kanadeze, por mund të bëhet fjalë për një tendencë të përgjithshme dhe autorët e studimit të prezantuar në "Jama", revista e "American dental association", kanë kërkuar arsyen e këtij fenomeni të shqetësuar nga fakti se antibiotikorezistenca edhe për shkak të një përdorimi jo të përshtatshëm të antibiotikëve po rritet dhe përbën një ndër kërcënimet e shëndetit publik botëror.
"Canadian dental association" ka pyetur drejtpërdrejt vetë dentistët kanadezë, të ftuar në një webinar, një seminar i organizuar në rrjetin Web.

Një ndër temat e shfaqura me forcën më të madhe ishte një përshkrim i tepërt jo i justifikuar në rastin e absceseve periapikale, sipas një rishikimi sistematik të 2013 që ka treguar se si trajtimi me antibiotikë nuk sjell përfitime të shtuara për sa i përket dhimbjes apo infeksioneve. Në mënyrë analoge është rasti i pulpitis irreversibël. Një shtim i fuqishëm i profilaksisë antibiotike është dashur edhe në implantologji, sidomos për tu përballur me komplikimet. Përdorimi i antibiotikëve mbetet veçanërisht i lartë në pacientë të konsideruar me risk të lartë për infeksione.

Ekzistojnë udhëzime që këshillojnë një reduktim të profilaksisë antibiotike perioperatore në procedura të ndryshme stomatologjike të kryera në pacientë me sëmundje të valvulave kardiake apo që i janë nënshtruar kirurgjisë së zëvendësimit protetik, por adoptimi i këtyre rekomandimeve nga ana e dentistëve kanadezë është shumë i ngadaltë.
Autorët besojnë se rishikimi i tyre bën të dukshme nevojën e një informimi më të madh për stomatologët për sa i përket rreziqeve të antibiotikëve dhe udhëzimeve korrekte të tyre, tema që duhet të jenë pjesë integruese e një formimi të vazhdueshëm të shumëpritur por vendosja në zbatim është akoma e pamjaftueshme.

Adelmo Calatroni
Marra F, George D, Chong M, Sutherland S, Patrick DM. Antibiotic prescribing by dentists has increased: Why? J Am Dent Assoc. 2016 May;147(5):320-7.

Përktheu: Erjola Taga