|

Përdorimi i biberonit për një kohë të gjatë, a mund t'i dëmtojë dhëmbët e fëmijëve tanë? Përgjigja nga një studim rreth erozionit në daljen e dhëmbëve për herë të parë

Lara Figini

Erozioni dentar po bëhet një fenomen i pakthyeshëm gjithnjë e më i përhapur në daljen e dhëmbëve të parë. Konsiston në procesin e humbjes së indit dentar, jo si pasojë e kariesit, por që mund të derivojë nga veprimi i acideve të brendshëm (p.sh. nga refluski gastroezofageal), acide ekzogjene (përbërës të ushqimeve dhe pijeve), ose substanca kelatuese. Është forma më e zakonshme që gërryen dhëmbët te fëmijët dhe shpesh shfaqet në kombinim me fërkimin (gërryerje që përfshin kontaktin midis dhëmbëve) dhe abrazionin (gërryerje që përfshin strukturën e dhëmbit në kontakt me një objekt të jashtëm). Është shumë e rëndësishme të identifikojmë hershëm fenomenin e erozionit te fëmijët në mënyrë të tillë që të kryejë një menaxhim paraprak dhe terapeutik të rastit. Në literaturë shfaqen pak studime që zgjasin në kohë rreth këtij argumenti për daljen e dhëmbëve për herë të parë. Një studim grupi i kohëve të fundit i publikuar në "International Journal of Pediatric Dentistry", maj 2015 heton prevalencën për erozion dentar në popullsinë australiane në moshën 24, 36 dhe 48 muaj dhe vlerëson lidhjen midis erozionit dhe manovrave të higjienës orale, kushtet mjekësore dhe sjelljet ushqimore. 154 fëmijë janë përfshirë në studimin në grup pas dhënies së udhëzimeve precize prindërve rreth manovrave për higjienën orale dhe rreth dietës ushqimore që duhet të ndjekin për fëmijët e tyre. Pjesëmarrësit janë ekzaminuar klinikisht në moshën 24, 36 dhe 48 muaj për t'u siguruar për praninë e erozionit. Erozionet janë vlerësuar sipas këtij kriteri:
Grada 0: Jo erozion
Grada 1: Humbje e smaltit sipërfaqësor me pamje lisho, si me brymë, të shndritshme dhe rrumbullakimi i majave apo skajeve incizale
Grada 2: Erozion i vogël i dentinës
Grada 3: Ekspozim i dentinës së  gjerë
Grada X: Asnjë vlerësim nuk është mundur të kryhet për shkak të kariesit të madh, mbushjeve të shumta apo mungesës së dhëmbëve.
Prindërve iu dha për të plotësuar një pyetësor rreth jetës sociale të fëmijës, zakonet mjekësore, dentare dhe dietike.

Rezultatet e përftuara nga autorët janë si më poshtë vijon:
Nga 154 fëmijët e ekzaminuar, 0% (0/154) ka zhvilluar erozione dentare në moshë 24 muaj, 7% (11/154) në 36 muaj dhe 28% (40/154) në 48 muaj (p<0,001). Një total kompleksiv prej 51 (33%) fëmijësh dhe 256 dhëmbë (8%) kanë paraqitur erozion në moshë 48 muajsh. Nuk janë regjistruar lidhje domethënëse midis lezioneve erozive dhe manovrave të higjienës orale, kushteve mjekësore apo zakoneve ushqimore të sinjalizuara në moshën 24 dhe 36 muaj (të gjitha p>0.05). Në kontrast, lezionet erozive të marra në moshën 48 muaj kanë rezultuar fortësisht të lidhura me përdorimin e biberonit (p = 0,026). Megjithatë siç kanë vërtetuar dhe studime të tjera në literaturë (Murakami C, Oliveira LB, Sheiham A, Nahas Pires Correa MS, Haddad AE, Bonecker M. "Risk indicators for erosive tooth wear in Brazilian preschool children". Caries Res 2011; Warren JJ, Yonezu T, Bishara SE. "Tooth wear patterns in the deciduous dentition". Am J Orthod Dentofacial Orthop 2002) erozioni ka të bëjë më shumë me qendrorët dhe kaninët e sipërm. Shfaqet më pak te qendrorët e poshtëm, ndoshta sepse në pjesën e poshtme fluksi i pështymës i prodhuar nga gjëndra sublinguale dhe nënmandibulare rezulton më i bollshëm dhe shërben si barrierë mbrojtëse.

Prevalenca e erozionit në dhëmbët e parë te fëmijët, rritet me kalimin e moshës dhe verifikohet pas moshës 2 vjeçare. Megjithëse nuk kemi lidhur ngjarjet me manovrat e higjienës orale, kushtet mjekësore dhe zakonet ushqimore në moshën 36 muaj, lezionet erozive të paraqitura për herë të parë në moshën 48 muaj janë fortësisht të lidhura me përdorimin e biberonit për një kohë të gjatë për më tepër se 36 muajt e parë të jetës së fëmijës.

Nën kujdesin e: Lara Figini, Koordinatore Shkencore Odontoiatria33

Bibliografia:
Int J Paediatr Dent. 2015 May;25(3):165-73. Association of erosion ëith timing of detection and selected risk factors in primary dentition: a longitudinal study. Huang LL1, Leishman S, Neëman B, Seow WK.

Përktheu: Erjola Taga

Për të votuar duhet të vendosni kredencialet tuaja në Medikey

Interesant ( 120 votim / mesatar 3 )