Artikaina 4% kundrejt lidokainës 4%. Cilën anestezi duhet të përdorim gjatë ekstraksionit të tetave inferiore?

Në stomatologji një nga problemet më të mëdha gjatë një ndërhyrjeje për ekstraksionin e një tete inferiore është ai i kontrollit të dhimbjes.

Lidokaina klorhidrat, e konsideruar si "gold standard", është anestetiku i parë lokal me bazë amidike i futur në treg; i disponueshëm që nga 1948 është shfaqur më efikasi, më pak alergjiku dhe më pak toksiku krahasuar me anestetikët e tjerë lokalë. Në 1969 një bar i ri anestetik lokal, "carticaine" është futur në stomatologji (në 1984 u quajt "articaine"). Artikaina ka rezultuar e disponueshme në Gjermani në 1975 dhe është futur në tregun e Amerikës së Veriut (Kanada) në 1983. Në 2000 është aprovuar përdorimi i artikainë 4% me 1:100.000 epinefrinë në Shtetet e Bashkuara. Publikime të shumta të kohëve të fundit kanë konfirmuar se artikaina me 4% ka një efikasitet superior krahasuar me atë të lidokainës 2% (Malamed, Ping et al.), megjithatë asnjë studim nuk ka konfrontuar lidokainë 4% me artikainë 4%, përveç një publikimi të kohëve të fundit në J Dent Anesth Pain Med në mars 2017.

Në këtë studim të kontrolluar, të randomizuar, prospektiv të kryer pranë Departamentit të Kirurgjisë Orale dhe Maksilo-faciale të Fakultetit të Stomatologjisë pranë Universitetit të Mahidol në Bangkok, Tajlandë, janë regjistruar 23 pacientë me molarë analogë bilateral inferior për t'u ekstraktuar. Mbi bazën e radiografive panoramike këto pacientë i janë nënshtruar dy ndërhyrjeve kirurgjikale për heqjen e molarëve të tretë inferiorë, kryer nga i njëjti kirurg, me anestezi lokale në dy takime me distancë prej 3 javësh.

Fillimi dhe kohëzgjatja e anestezisë lokale, dhimbja intraoperatore, kohëzgjatja e ndërhyrjes janë regjistruar dhe janë krahasuar.

Autorët kanë ndarë pacientët në mënyrë rastësore në dy grupe:

• grupi 1 (grupi i studimit): është përftuar bllokimi i nervit alveolar inferior nëpërmjet injektimit të 1,7 ml lidokainë 4% me 1: 100.000 epinefrinë
• grupi 2 (grupi krahasues): është përftuar bllokimi i nervit alveolar inferior nëpërmjet injektimit të 1,7 ml artikainë 4% me 1: 100.000 epinefrinë

Rezultatet e përftuara në studim janë si më poshtë.

Kampioni final i pacientëve të përfshirë ka qenë 22 (njërin e humbëm pasi nuk mori pjesë në ekstraksionin e tetës së dytë) me një moshë mesatare 21 vjeç. Asnjë efekt anësor nuk është shfaqur gjatë kirurgjisë apo periudhës postoperatore.

Anestezia lokale me 4% artikainë ka qenë në mënyrë domethënëse më e shpejtë si nga ana subjektive si nga ana objektive krahasuar me atë të manifestuar me lidokainë 4%.
Megjithatë, artikaina me 4% ka treguar një kohëzgjatje anestetike më të gjatë se lidokainë 4% edhe pse diferenca nuk ka qenë domethënëse nga ana statistikore.

Intensiteti i dhimbjes intraoperatore është vlerësuar te pacientët me parametra VAS dhe rezultatet kanë dëshmuar se pacientët e grupit me artikainë 4% kanë eksperimentuar dhimbje më të madhe krahasuar me ato të grupit të lidokainës 4%, sidomos gjatë fazës së suturës, megjithatë diferenca nuk ka qenë domethënëse nga ana statistikore.

Nevoja për injektime të mëtejshme anestetike ka rezultuar më e madhe në grupin me artikainë 4% krahasuar me atë me lidokainë 4% megjithëse edhe në këtë rast diferenca nuk ka qenë shumë domethënëse.

Bllokimi i nervit alveolar inferior nga të dhënat e këtij studimi, përftohet në kohë më të shkurtra kur administrohet si anestetik artikainë 4% krahasuar me lidokainë 4%. Matjet VAS kanë treguar se lidokainë 4% mundëson një analgjezi më adekuate për ekstraktimin e tetës inferiore me shfaqje të një dhimbje minimale intraoperatore krahasuar me atë të vërejtur me artikainë 4%. Megjithatë nuk është hasur asnjë diferencë domethënëse nga ana statistikore midis dy grupeve.

Nën kujdesin e: Lara Figini, Koordinatore Shkencore Odontoiatria33

Për më tepër:
-Malamed SF. Handbook of Local Anesthetisia. 6 ed. St. Louis, Missouri, Mosby. 2014, pp 366-9.
- Ping B, Kiattavorncharoen S, Saengsirinavin C, Im P, Wongsirichat N. Effect of high concentration lidocaine for mandibular teeth anesthesia: Review literature. M Dent J 2014; 34: 364-72
- Ping B, Kiattavorncharoen S , Saengsirinavin C, Im P, Durëard C, Wongsirichat N. The efficacy of an elevated concentration of lidocaine in impacted lower third molar surgery. J Dent Anesth Pain Med 2015; 15: 69-76
- Kiatanant Boonsiriseth, Sittipong Chaimanakarn, Prued Chewpreecha, Natee Nonpassopon, Manop Khanijou , Bushara Ping, Natthamet Wongsirichat. 4% lidocaine versus 4% articaine for inferior alveolar erve block in impacted lower third molar surgery. J Dent Anesth Pain Med 2017 March; 17(1): 29-35