Fluori te dhëmbët e qumështit të sapo eruptuar. Këshillat e ADA për parandalimin falë udhëzimeve të reja

Komiteti Shkencor i ADA (American Dental Association) ka azhornuar udhëzimet mbi parandalimin e kariesit në fëmijërinë e hershme dhe këshillon përdorimin e një paste dhëmbësh me fluor në dhëmbët e qumështit të sapo eruptuar.
Prindërit duhet të fillojnë pastrimin e dhëmbit të qumështit që sapo ka eruptuar me një pastë dhëmbësh me fluor në madhësinë e një kokrre orizi, duke përdorur një gisht me dorezë ose një garzë dhe të fshijnë të gjitha sipërfaqet e dhëmbit.

Sipas ADA, përdorimi i parakohshëm i pastës me fluor ofron një mbrojtje të mirë kundër riskut për karies pa efekte anësore të fluorozës që mund të realizohen si efekt anësor i kompresave të vogla me fluor që vendosen në gojë. Edmond L. Truelove, DDS në krye të Komitetit Shkencor të ADA - s deklaron që prej 50 vitesh shoqata e tij rekomandon përdorimin e pastës me fluor te pacientët e të gjitha moshave, pavarësisht kësaj 25 % e fëmijëve gjatë vitit të parë të shkollës fillore paraqesin të paktën një lezion në gojë.
Pra është shumë e rëndësishme që t'i jepen informacione të sakta prindërve, edukatorëve dhe profesionistëve shëndetësor.

Kariesi është sëmundja kronike më e përhapur në fëmijëri dhe është në rritje në SH.B.A.
Në Itali incidenca e patologjisë është e ngjashme; sipas të dhënave të kongresit të fundit SIOI (Società Italiana di Odontoiatria Infantile) në pesë vitet e fundit kariesi ka prekur 22% të fëmijëve nën 4 vjeç dhe 43% fëmijët nën 12 vjeç.

Nën kujdesin e: Davis Cussotto

Përktheu: Valbona Spahia